吳若希（Jinny）今日（1/4）現身將軍澳電視城出席TVB Plus《奇情谷》節目宣傳造勢活動。對於好姊妹麥美恩Mayanne近日疑被人網上爆料指為人寸嘴，說話大聲兼無禮貌，惹起網上關注。

Jinny接受《香港01》訪問時笑言：「Mayanne？其實我同佢唔熟。（啲人話你哋好熟！）唔熟㗎，完全唔熟㗎。（即刻割席！）哈哈，私底下冇乜聯絡。因為通常私底下都係講是非。（近期佢有是非有冇問佢？）我有問佢，但佢唔答。不過佢都講幾句話件事都幾得意咁。（你有冇叫佢唔好睇新聞？）咁又唔會，因為我哋兩個如果睇到咩新聞，我哋係互相咁去攻擊，哈哈，我諗我同佢嘅友誼係互相攻擊。（Mayanne有冇唔開心？）我諗佢係有唔開心嘅，但我好相信佢係會用好積極方法去面對。」