無綫節目《東張西望》日前報導一宗電話騙案，不過全網觀眾的聚焦點，竟然全數落在女事主賴維茵（Ivy）的外貌上！現年54歲的賴維茵在鏡頭前皮膚緊緻、身材勻稱，保養得極之得宜，完全看不出歲月痕跡。大批網民看完節目後紛紛驚嘆，直指她「望落最多30幾歲」，高顏值意外在網上掀起熱話。

面對電話騙案大方自揭54歲

賴維茵在節目中透露遇上美容儀器回收騙案，雖然險些中計，但她隨即察覺不妥，機智地笑指：「冇理由咁大隻蛤乸除街跳㗎嘛。我已經用緊咁多年啦，佢肯同我玩其實已經好好啦，仲話會退返錢俾我喎。」當騙徒企圖引導她用網上銀行登記資料時，她更順水推舟使出妙計，大方自揭真實年齡幽默擊退騙徒：「因為我54歲咯，我真係好少用呢啲網上咁，所以我真係唔識用。聽日有同事嚟，你同事直頭教我，佢喺現場教我咪得囉。」

曾參加《中年好聲音》海選

事實上，這位「神級美魔女」在健美界薄有名氣，更曾推出書籍《凍齡時代》分享保養心得。賴維茵本身亦是TVB的「常客」，除了曾參加過《中年好聲音》海選，亦參與過《思家大戰》及《今晚乜都拗》等節目。