換命真相劇評 | 朱敏瀚搞笑幾有睇頭 要論搞笑TVB劇做得絕對唔差
撰文：邱愛霖
出版：更新：
無綫（TVB）電視劇《換命真相》6-10集劇評。
上周劇情，旨在為譚俊彥（飾時光）的時光倒流之旅拉開序幕。譚俊彥驚覺，即使扭轉六壬，改變到細節，也許無法以一己之力將結局大反轉。雖然革命尚未成功，譚同志都要繼續努力。今周就繼續講，譚俊彥點樣繼續破壞林韋辰（飾維港世紀地產集團老闆康永仁）的陰謀。
譚俊彥就算扭轉唔到結局，都要繼續努力查案。（劇集截圖）
今周節奏相對放緩，但主線劇情依舊吸引。譚俊彥追查之下發現，林韋辰表弟原來有包二奶，用計搞到兩表兄弟內訌，又揭穿陳庭欣（飾朱筱筱）似乎同林韋辰有非比尋常的關係。愈挖愈深，情節之間環環相扣，Keep住有驚喜，非常不錯。
林韋辰表弟原來包二奶。（劇集截圖）
不過凈係睇譚俊彥查案又悶得濟。朱敏瀚（飾朴寶劍）和譚俊彥的曖昧Hehe情，都係睇頭之一。朱敏瀚的角色緩和了不少嚴肅氣氛，Gag又搞得幾好，都幾有搞笑天分。實際上，要論搞笑，TVB劇集的搞笑情節做得絕對不差，就算是悶到喊的《把關者們》，C君擔綱的搞笑情節都有一定質素。如果可以Keep住呢一浸「TVB味」，其實都幾好，劇集起碼能夠保留到一定吸引度。
朱敏瀚搞笑都幾有天分。（劇集截圖）
換命真相 | 劉佩玥被變態佬偷底褲 露美背長腿同丘梓謙玩曖昧
點擊睇兩人曖昧片段：
+20