KOL話僅暫時撤辣、隨時捲土重來 但唔知講法有反效果、逼人買樓
撰文：湯文亮
出版：更新：
有KOL話，政府話撤辣只是暫時性，框架仍然保留，隨時會捲土重來，但KOL唔知道，咁樣講有反效果，會逼人快些買樓。
香港房屋局局長何永賢突然間話，政府雖然撤了辣招，但仍然保持辣招框架，有需要的時候可以再推出，令到不少睇淡樓市KOL非常雀躍，認為樓市唔會升得幾耐，政府好快又會再出招。
政府最初推出辣招時，又沒有什麼所謂框架，政府話推就推，根本唔需要框架，既然唔需要，又點解話要保留，局長知唔知道咁樣講反而會推高樓價。情況就好似一場演唱會，本來在進入時是有資格限制的，但能夠合資格出席的人太少，場地明顯冷清，大會於是宣布取消所有限制，入場的人雖然多了，但知道場館內有足夠坐位，所以，並不需要爭先恐後入場，秩序非常良好，並沒有意外發生。
大會有人無端端對外公報，入場限制的框架仍在，大會隨時會再限制入場資格，仍然排隊的人聽到這個公報，擔心大會隨時再限制入場，於是爭先恐後，不再守秩序入場，最後出現意外。其實，大會可以根據情況，隨時可以再限制入場資格，毋須事前作出預告，預早宣布，其實是有反效果，大會對意外事件應該負上一定責任。
局長講完之後，買樓要付辣招稅的人就會加速做決定，無形中需求增加，樓價亦有可能被推高，甚至令到有一些人做錯決定。其實，政府想幾時再推出辣招都可以，毋須預先張揚，變相是由政府推高樓價，除褲放屁，冇事搵事做。
星凱 ‧ 堤岸在樓市全面撤辣後的銷售狀況。
【財經專欄】湯文亮｜紀惠集團行政總裁
免責聲明︰以上內容僅代表作者的個人立場和觀點，不代表香港01的任何立場，香港01亦無法核實上述內容的真實性、準確性和原創性。
另外，以上純屬個人研究分享，並不代表任何第三方機構立場，亦非任何投資建議或勸誘。讀者務請運用個人獨立思考能力自行作出投資決定。
KOL話銀行拒摸貨按揭、炒家冇得炒 但唔知最大鑊是勉強買樓的人KOL話撤SSD增加供應、推低樓價 但唔知會令摸貨重現、樓市飆升KOL話財預案撤辣聲音大 保守派人雖少、政治力量大未知鹿死誰手KOL話新年藍籌屋苑零成交樓市已死 但唔知撤辣前冇人咁蠢早買樓KOL話美斯唔落場玩謝香港、失國際金融地位 但唔知冇人撐美斯KOL話大C退休前講買樓風險大 樓市冇運行 但唔知以後租樓都很難KOL話樓價下跌、好彩賣咗樓 但唔知賣自住樓、隨時唔見埋個仔KOL話財爺要開徵資產增值稅 香港大鑊！ 但唔知財爺很快已澄清KOL話比特幣ETF可在美國上市將大升 但唔知上市被監管是惡夢開始KOL話的士行業有加價共識、市民捱貴車 KOL或不知已共識冚旗揀客KOL話聖誕港人離港旅遊、香港大鑊 但忘了耶穌話施比受更為有福KOL話股市跌一半、樓市跌兩成應再大跌 冇講美基金出貨冇揸港樓虛幣KOL質疑我比特幣出金做假 但KOL唔知愈流通、貨幣愈值錢KOL話你知全世界股市升、唯獨香港跌 但冇講港經濟優於很多地方移居英國諾丁漢KOL大讚生活環境遠勝香港 但冇講諾丁漢已經破產KOL話99％香港人不會回流、樓市一定大冧 但冇講有一半搵唔到工KOL話你知香港樓市大冧、很多人蝕錢賣樓 但冇講「蝕即是賺」