新蒲崗一日遊5大食玩買推介　釣蝦場/室內攀石/打卡富士山特飲$30

工廈林立的新蒲崗予人一種偏遠的感覺，但原來隱藏不少美食、玩樂的好地方！隨著港鐵屯馬線一期已於二月開通，啟德站附近的新蒲崗將會變得更加熱鬧！《香港01》旅遊記者精選新蒲崗5個玩樂好去處，包括cafe打卡、攀石體驗、釣蝦場釣大頭蝦、歎馳名手打牛丸，最後仲可以歎堅果奶蓋！

【第一站】💪挑戰抱石挑戰自我@Just Climb攀石體驗

喜歡運動的人推介去體驗攀石！Just Climb主要是體驗「抱石」，由於抱石的攀爬高度不算高，因此不需要繩索等器材。石牆上的石頭有分顏色路綫，只要沿著路綫就可以輕易爬上最頂端！想知道收費、注意事項等，按下圖即睇👇👇

Just Climb
地址：新蒲崗太子道東706號太子工業大廈地下D室
電話：3561 7868

【第二站】😋歎美食醫肚

【1】🍜明星愛吃手打牛丸、牛雜米@成記牛什粉麵

老字號成記牛雜河、手打牛丸都是愛牛人士必食之選，連森美都推介過！成記的手打牛丸與外面不同，要彈牙就無，不過口感比較像結實口感的山竹牛肉球，更有牛筋增加香味！😋😋😋 招牌牛丸成粒兵乓波咁大粒！按下圖即睇成記牛什粉麵招牌👇👇👇

成記牛什粉麵
地址：新蒲崗錦榮街4A號地下
電話：2322 4947

【2】☕文青風cafe必試富士山特飲@Wanna Eat

Wanna Eat是一間文青、小清新風格的cafe，提供港式、西式、日式美食，來到這裏一定要試隱藏的富士山特飲，打卡之選！明太子意粉、拔絲咕嚕肉都非常受歡迎，鍾意食明太子的你就一定要試，超級香濃的明太子香味，正！

Wanna Eat
地址：新蒲崗彩虹道16號地下
電話：98833678

【第三站】🦐釣完蝦即場歎大頭蝦@蝦立方休閒娛樂釣蝦場

近年開始興起室內釣蝦，記者推介蝦立方釣蝦場，可以釣淡水大頭蝦，只要在購買的鐘數內釣到多少隻蝦就可以帶走多少！釣蝦場仲提供即場免費為顧客煮熟所釣的大頭蝦，即場歎大頭蝦夠晒過癮！連胡杏兒都帶過囝囝去！想知道收費詳情？按下圖即睇👇👇👇

HA cube 蝦立方休閒娛樂釣蝦場
地址：新蒲崗大有街3號萬迪廣場8樓D、E室
電話：3565 4233

【第四站】🥜全素堅果奶蓋@Nuttea

食完大頭蝦之後想飲杯野解渴？不妨去試一試廣場內的台式全素堅果奶茶，全部飲品都使用堅果打製的奶蓋，不含牛奶、奶精成分，素食者、乳糖不耐症的人士就最啱飲！宇治抹茶堅果奶蓋茶、火龍果奶蓋茶都好有人氣，顏色都好吸睛添！想知邊幾款堅果奶最受歡迎，按下圖即睇👇👇👇

Nuttea
地址：新蒲崗大有街3號萬迪廣場1樓D號舖
電話：6015 8851

想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！👉👉👉香港好去處｜假日郊遊、離島放空、單車路線、食玩打卡｜不斷更新

🤩🤩🤩 同場加映：AEON $12店37款熱賣郊遊好物　沙灘野餐必買環保冰粒　附零食推介 🤩🤩🤩

記者早前到Aeon12蚊店精選37款郊遊好物，包括野餐墊、各款大小的食物盒、得意造型的保鮮袋等等，仲有夏日必備的環保冰粒！按下圖即睇有咩好必買物件👇👇👇

想知道餘下仲有咩好物，立即點擊內文👉👉AEON $12店37款熱賣郊遊好物　沙灘野餐必買環保冰粒　附零食推介