港鐵不時出現「柱男柱女」，把身體緊挨着扶手柱，會影響其他乘客使用，實在令人討厭！有女生分享日前在車廂內，遇到有女士將背部直接挨靠扶手，即使她當時已經緊握扶手，對方仍未有理會，樓主因而以「舉中指」動作頂着對方背脊，試圖令她不適移開，可惜女子「不為所動」繼續背靠扶手，她不滿對方自私行為，遂拍照公審。

有網民斥責女子行為，「咁厚面皮」、「咁樣俾人督住都要挨？」、「我會大嗌：『唔該唔好挨住條柱』」，又提醒樓主要小心，「好驚佢真係向後挨就X街」、「小心穿魚蛋呀！」、「對付呢啲人整親自己就唔抵啦」。

港鐵車廂現「柱女」　無視乘客「伸中指」頂背脊仍拒移開

該女生在threads帳號「bonniebonnyx」上傳影片和照片，指她搭乘港鐵時，在車廂遇到「柱女」的經過。片段顯示，當時她曾分別以左手和右手緊握扶手，但前方1名穿着外套的女子卻直接將背部挨靠在扶手上。樓主曾持續以「舉中指」動作頂着對方背脊，試圖令她不適繼而移開，惟女子全程「不為所動」未有理會，她感到不忿遂公審到網上。

女子行為遭斥自私：咁樣俾人督住都要挨？

網民紛紛斥責該女子自私，「咁厚面皮」、「咁樣俾人督住都要挨？」、「搭地鐵好多人都係咁，成日以為扶手係自己嘅」，有人分享遇到其他無品乘客經歷，「我試過夾硬扶個扶手，然後個『柱女』特登用背脊再大力啲壓實，正一PX嚟」、「諗起我個仔5、6歲嗰時，大大聲同挨住條柱嘅女人講：『條柱唔係用嚟挨㗎，用嚟扶㗎』」、「上次（有）好矮嘅師奶又係喺我前邊挨住，個頭又咁啱喺我個手度撞來撞去，我一嘢大力金剛指夾住佢啲頭髮」。

網民憂樓主「被穿魚蛋」　建議這樣反擊

有留言則提醒樓主要小心，「佢件衫成呎厚，我諗你用5隻手指插落去，佢都feel唔到」、「好驚佢真係向後挨就X街」、「小心穿魚蛋呀！」、「對付呢啲人整親自己就唔抵啦」，並建議以其他方法「擊退」對方，「我會用手指頭數落，第2節骨去頂」、「直接問對方條柱係咪佢買咗，喺邊度買咗幾多錢，介紹下我都想買」、「佢好似好享受你幫佢點穴」、「我會來一個卡痰聲，通常會馬上閃開」、「我會大嗌：『唔該唔好挨住條柱』」、「大大聲叫：『喂！呢度有老柱女！』」。

（threads＠bonniebonnyx）