大門攻防戰！離開商場遇女子等開門　連登仔攝出門口：係咪咁驚？

疫情間市民的衛生意識提高，即使是開門亦都步步為營！有網民發文指疫下不少人因為害怕接觸到病毒，即使手持紙巾亦都不會推開商場的大門，他早前遇到這樣的人，與對方對望2秒之後就決定自己拉門然後「攝個身出去」，再很有手尾的將門關上，最後換來「香港出晒名嘅港女『摺』聲」。

下載「香港01」App ，即睇城中熱話

連登仔「睇盤師」在討論區上以「而家啲人係咪咁驚開門」為題發文，分享近日在商場遇到有關開門的經歷。他說商場大門大多都是透明的，當他正離開商場時，就看到門外亦有1位手持紙巾的中年女子準備進入商場，但「明明早到過我去到門口，都唔推門」，令樓主覺得十分奇怪。

樓主與中年女子對望2秒後，他亦已經抵達門口，於是他就「拉門，攝個身出去，好有手尾咁閂番對門」。樓主笑言，他離開商場後，「緊係第一時間聽到喺香港出晒名嘅港女『摺』聲」，女子最後亦都「死死地氣自己開門」。

留言中不少人都表示對等人開門的人感到反感，「黐線啲人真係，人哋開咗門，勁快攝入去又唔幫手頂一頂畀下個入嗰啲人都係」、「恐懼都唔緊要，唔好咁冇品先得㗎」、「其實驚乜，最多咪開完搓下手」。

亦有網民們留言分享曾經遇到很多類似事件，有人指自己乘坐升降機時，1名女子因為最遲進入升降機所以站在一排升降機掣旁邊，「第一轉有人出，佢用紙巾包住手撳閂門，第二轉有人出，佢撳完閂門後發癲咁衝去最後面，然後話『你哋撳飽佢啦』」。

同場加映：日本節目實測洗手比戴口罩重要！【點擊下圖放大即睇內容 ▼ ▼ ▼】

同場加映：一文看清防疫20個隱藏病毒陰濕位及5大消毒位【點擊下圖放大即睇內容 ▼ ▼ ▼】

↓↓↓ 20個隱藏病毒陰濕位 ↓↓↓

↓↓↓返屋企5大要消毒位↓↓↓