免費流感針接種較去年增3成 市面現疫苗短缺 即睇家長可以點做

撰文:
最後更新日期:

本年度「疫苗資助計劃」及「政府防疫注射計劃」正式展開,除了參與學校安排的到校疫苗接種服務,家長亦可安排合資格子女在參與「疫苗資助計劃」的私家醫生診所接種資助的流感疫苗。惟在新冠肺炎疫情夾擊下,家長不但提早安排子女接種疫苗,接種人數亦比往年增加。有提供免費接種服務的醫生表示,市面已開始出現疫苗短缺現象,估計兩、三個星期後未必再有免費疫苗供應!

按圖即睇疫苗缺貨 家長可以點做

免費接種人數增3成 藥廠拒接訂單

全科醫生鍾偉傑的診所專門提供疫苗接種服務,在「疫苗資助計劃」下,今年亦有提供免費兒童流感疫苗。他坦言,在新冠肺炎疫情夾擊下,家長的憂慮增加。「因為如果真係咁唔好彩,中流感又中新冠肺炎,後果可以好嚴重」,因而今年的流感疫苗接種人數比去年「多咗好多」,估計增約3成。

免費注射兒童流感疫苗部分診所名單(九龍區)

+59
+59
+59

他更指,現時市面開始出現疫苗短缺現象。「三大藥廠提供嘅疫苗,包括注射式同噴鼻式疫苗,基本上都已經冇得再訂貨。除非一早預訂咗大量疫苗,否則市面上其實已經開始出現短缺現象,估計好快,可能兩、三個禮拜後全港都未必再有疫苗。」

免費注射兒童流感疫苗部分診所名單(新界及離島區)

+40
+40
+40

若家長有意為孩子安排流感疫苗接種,鍾醫生建議及早行動,並盡量在校注射。「可以搵返一啲疫苗中心,一般存貨量都比較多,我哋都訂咗過萬支疫苗,相比一啲較細型嘅診所,可能得幾百支,會較快冇貨。如果係小學生,學校又有安排醫療機構到校提供疫苗接種服務,就盡量喺學校打。因為啲疫苗係由政府供應,供應量應該唔成問題。」而幼稚園學生的疫苗供應,則由私營醫療機構負責,家長可向個別機構查詢疫苗供應情況。

兒科醫生:小朋友提早咗打針

兒科專科醫生陳欣永表示,相比往年,今年不少家長提早了帶小朋友接種疫苗。「雖然好多學校話11月有免費提供(疫苗),但今年9月中開始有流感針之後,好多家長都唔等,提早咗過嚟打。」

免費注射兒童流感疫苗部分診所名單(港島區)

+10
+10
+10

他建議,在新冠肺炎疫情下,家長宜及早安排子女接種流感疫苗。「始終今年係好特別嘅一年,有研究都指出,新冠肺炎再混合流感,病毒量會因而大大提高,增加傳染性及併發症風險,所以都建議及早接種。」

*以上診所名單來自醫健通

相關文章:流感疫苗|七成家長希望採用噴鼻式疫苗 接種快減少子女打針哭鬧

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。