開學日│英華小學機械人客串開學禮 校長:口罩下都可以有笑臉

撰文:鄧煥儀
出版:更新:

新學年開始,一如以往,英華小學在開學禮上公布年度多元學習主題,更以機械人迎接學生。同學們均表示對開學感興奮,校長陳美娟表示,即使疫情下戴著口罩,也期待學生展露笑容。
攝影:鄭子峰

+6

想念校長 新文具迎接新學年

開學日早上學生依時進校,英華小學今年在校門以機械人迎接學生,並設置投映大書籍,呼應年度學習主題。小二學生容同學表示「最掛住校長」,開學日希望可親向校長說聲「早晨!」。

五年級的鄧同學表示對開學十分期待,「尋晚興奮到喺床碌嚟碌去都瞓唔著!」,又指自己暑假期間仍可保持身型,「件校服仲好啱身!」另一位五年級學生梁同學則分享,因他「寫字樣衰」,其母親特意為他買了一支新鉛芯筆開學,「希望可以寫得靚啲。」

+4

🔼🔼🔼🔼開學日幼稚園小朋友都開心重返校園👉🏻👉🏻👉🏻👉🏻開學日學生開心回校 救恩幼稚園校長:聽到小朋友聲音已好開心👈🏻👈🏻👈🏻👈🏻🔼🔼🔼🔼

短片揭示年度主題

陳校長表示,在暑假尾聲時已向學生陸續發佈5條短片,作為多元學習主題的貼士。她於開學禮揭曉主題為「耐人尋味」,故事將串連一個學年。「同語文有關,故事涉品格塑造,鼓勵閱讀、創作。嚟緊會喺校園角落有驚喜投映,希望將校園佈置得有趣。」

而在開學禮客串的機械人則與科技課程有關,同時緊扣故事點子。「帶佢哋穿越不同場景、時空,以科技解決唔同問題。」她指,開學禮的重點是誘發學生的學習動機,「唔係人地畀嘢你,係你想去學 ,想知多少少,去問問題。」

+7

3種課室維持課堂質素

開學後學校將維持半天授課,陳校長表示,實體、網上及野外教室將同步並行。「下午畀佢嘅嘢唔能夠太多,否則冇咗半日空間。會有網上備課、延伸學習,學生上堂miss咗啲嘢,網上教室可以重睇,令追唔上嘅同學有機會去追。靈活運用資源,提升課堂質素。」

她又指,配合常識課的森林課程將會以「最高級別的防疫措施」繼續進行,並擴展至高年級。課程包括自理、合作和環保元素,學生將跳出課室,到野外學習生物多樣性、愛護大自然等課題。「小朋友在疫情下唔應該係最受害嘅一群,佢一直成長緊,智慧應該都一直增長,學校有責任令學習豐富。」新學年她期望學生可熱切學習、保持謙虛。「做個有心有品嘅英華仔,呢個肯定唔係一個口號。」

🔼🔼🔼🔼放假咁耐,小朋友第一日返學就扭計唔願返學?👉🏻👉🏻👉🏻👉🏻開學日│小朋友暑假後扭計唔想開學?心理學家教路3招重整返學規律👈🏻👈🏻👈🏻👈🏻🔼🔼🔼🔼

按圖即睇3招重整上學規律

發表評論...