【炒賣天堂】炒樓炒股以外香港人炒甚麼? 黃牛飛只能排第2

最後更新日期:

喺香港,好似咩都有得炒咁,炒樓炒股炒鞋炒袋……仲可以炒shake shake粉,真係不禁講句世事無奇不有。有時真係好想睇吓班人諗咩,想知道喺佢哋世界入面係有咩唔炒得,你話,普通人點諗到shake shake粉都可以炒㗎?shake shake粉攞嚟食㗎嘛!無他嘅,咪好似子華神咁講囉:「人類嘅終極理想都係不勞而獲。」轉個手賺一筆,好多人都會覺得唔炒咪笨!今日就等DailyView用網路大數據同你講吓,香港人上年除咗炒樓炒股炒鞋炒袋等等,仲鍾意炒咩!

DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

十、炒咪錶:無成本,公家地方私人生意

依家喺香港地揸架車話想搵個咪錶位擺喺街都難,成日左兜右兜都唔見有位,淨係見到層出不窮嘅霸位方法:雪糕筒、人肉霸位、鋪頭車霸位等等。想話喺深水埗、九龍城、山林道、天文台道……等等嘅地方泊咪錶位?咁你就焗住食炒價啦!一個位15分鐘賺20%,冇成本做生意,好多時仲唔入錶賺盡你!你想報警解決問題?對唔住,差人嚟到都處理唔到,最多抄轉牌。但人到街頭,街尾都入晒錶喇。

一個位15分鐘賺20%,冇成本做生意,好多時仲唔入錶賺盡你!(資料圖片/黃煒堯攝)

九、炒廚師腸:腸?定係搶啊?

上年年尾,美國廚師牌雞肉腸因為母公司破產而面臨停產,震驚港人。廚師腸會出現喺香港人嘅早午晚三餐、燒嘢食同埋打邊爐,無咗點算啊?咁大件事,好多精明嘅生意人就從中搵到商機!喺市面仲有大量嘅廚師腸,甚至超級市場都特價緊嘅時候,就已經有人開價200蚊出售,曲直難分!不過最近本港代理「大昌行」話,會用返同樣配方再生產,炒家們應該要食一排喇!

上年年尾,美國廚師牌雞肉腸因為母公司破產而面臨停產,震驚港人。喺市面仲有大量嘅廚師腸,甚至超級市場都特價緊嘅時候,就已經有人開價200蚊出售,曲直難分!(資料圖片)

除咗咪錶同廚師腸,香港人仲鍾意炒啲咩?(點圖瀏覽)!↓↓↓

+21
+20
+19

炒賣為咗咩?

其實點解香港人咁鍾意炒賣嘢?有錢嘅炒樓炒股,冇錢嘅炒iPhone炒飛,佢哋為咗啲咩呢?為嘅係兩餐晏仔?定係為搵更多嘅錢?子華一句:「搵食啫!犯法啊?」完美講出金錢至上嘅香港地嗰種荒謬價值觀。唔好問點解香港會變到咁,因為好多香港人會答你:「我想㗎?」

除咗樓同股,依啲都可以炒!(DailyView網路溫度計)

分析說明:本研究資料分析時間範圍為2018年4月21日至2019年4月22日,共一年。網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『香港人炒賣』相關文本進行分析,並根據網友就該議題之討論,作為本分析依據。本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

延伸閱讀:

外表斯文內裡Open!十大令人心跳加速「禁慾系」韓星

2019大量女孩材慾焚身!4大「神演+神本」浪漫韓劇網推爆

IG爆紅限時動態「眨眼濾鏡」上哪玩?神人2爽招遊戲破關犯眾怒

【本文由「DailyView 網路溫度計」授權轉載,研究資料由「KEYPO大數據關鍵引擎」提供。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。