楊美珍任港鐵行政總裁 田北辰讚有承擔有能力 憂年底交接問題

楊美珍任港鐵行政總裁 田北辰讚有承擔有能力 憂年底交接問題
撰文:倪清江
出版:更新:

港鐵公司今日(25日)公布董事局委任現任常務總監 – 香港客運服務楊美珍為新任行政總裁(CEO),明年1月1日起生效為期三年。

楊美珍將是港鐵首位女行政總裁。兩鐵合併前任九廣鐵路主席的立法會議員田北辰讚楊有承擔有能力 ,他指去年觀塘線太子至何文田站全日停駛維修,「帶出咗楊美珍係一個好謹慎、先天下之憂而憂嘅人」。他指出,現任行政總裁金澤培今年底就會退任,港鐵主席歐陽伯權剛好又今年底兩任任期屆滿,憂年底交接安排,故已向特首李家超建議延長歐陽伯權任期一年,「有一年嘅時間去大家分工協調,楊美珍應該未來就有多好多挑戰架嘞!」

港鐵候任行政總裁楊美珍今日下午在金鐘站聽乘客意見。(港鐵提供圖片)
港鐵候任行政總裁楊美珍今日下午在金鐘站聽乘客意見。(港鐵提供圖片)
港鐵候任行政總裁楊美珍今日下午在金鐘站聽乘客意見。(港鐵提供圖片)

對於楊美珍將任港鐵新行政總裁,實政圓桌立法會議員田北辰指出,港鐵該職位一直全球招聘,但香港鐵路今日與內地息息相關,從外國找個人擔任該職務愈來愈不合時宜,「前任行政總韋達誠(2012年- 2014年)?但結果就搞到一鑊泡,最後2019年就委任咗金澤培集做行政總裁」,「我先至覺得有一個真係識嘢、有料嘅人做呢個位,因為佢(金澤培)本身就係好熟工程同鐵路嘅運作,一做做就做咗5年。」

田北辰讚揚楊美珍有承擔有能力,從四件事可反映出來。 他指2024年7月28號星期日,觀塘線太子至何文田站「破天荒」全日停駛維修,「呢個真係需要相當嘅勇氣,我早喺舊年5月8號知道呢個安排,我當時講咗兩樣嘢,第一係咪擔保一日之內做得完?如搞唔晒第二日上班日肯定大鑊!」結果當日一切順利,「咁就帶出咗楊美珍係一個好謹慎、先天下之憂而憂嘅人。」

田表示,一直都要求東鐵線自動幕門安裝提早半年落成,「佢(楊美珍)一路都冇應承我,只係答盡量盡量」,結果早了半年在今年6月竣工,「真係交到功課做到嘢。」他一直爭取八達通免公營街市商戶手續費,而楊美珍身兼八達通非執行主席,「點知佢真係一個決定,就全部新裝嘅呢3年唔收費。」

田因應輕鐵3月22日有路線因吊車勾斷架空電纜而停駛5小時,而找楊美珍,「佢話2033年就會一批新嘅輕鐵列車,我就即時向佢反映,可唔可以飛甩晒架空電纜?將輕鐵全面改充電車模式,佢一口應承會去研究」,他寄望楊會有好消息。

楊美珍2021年出任香港客運服務總監,並於2023年獲委任為常務總監 – 香港客運服務。(港鐵提供圖片)
楊美珍2021年出任香港客運服務總監,並於2023年獲委任為常務總監 – 香港客運服務。(港鐵提供圖片)

現任行政總裁金澤培今年底退任,主席歐陽伯權任期剛好同期到期,田北辰表示較早前已經向李家超反映,楊美珍明年元旦上任,最好可以同歐陽伯權重疊一年,延任一年到出年年底至走,「有一年嘅時間去大家分工協調,楊美珍應該未來就有多好多挑戰架嘞!當中最大嘅挑戰當然係未來點去起咁多條鐵路啦,因為涉及未來融資等等嘅問題。」

對於新項目融資有挑戰,問及對楊美珍有何期望。田北辰指,新鐵路項目沒有融資方案,只有物業補貼,希望趁施政報告諮詢問特首李家超會否考慮公私營合作。

楊美珍(左一)由1999年從銀行界跳入港鐵,其中由2011至2021年間出任商務總監,曾與藝人梁朝偉(左二)及楊千嬅(左三)一同公布推出紀念票。(港鐵提供圖片)
楊美珍(中)由1999年從銀行界跳入港鐵,曾擔任多個重要職位,其中由2011至2021年間出任商務總監。(港鐵提供圖片)

正在加載