陳展鵬與單文柔「做任何事都很美好」 想在酒店過二人世界
撰文：趙允琳
出版：更新：
陳展鵬昨天（9日）一身帥氣西裝出席酒會，回應日前被網友拍到與女友單文柔（Phoebe）到英國倫敦旅行，並形容今趟旅程「見到的任何事都很美好」。被問到是不是第一次與女友去旅行所以很美好？展鵬回應：「都唔關事，我哋都去咗好多次旅行㗎啦，不過今次開心就係大家都度到個假。」難得去到倫敦，是不是終於能安安靜靜過二人世界沒人打擾？展鵬笑稱：「都唔係㗎，華人嘅地方都好多㗎，除非喺酒店入面㗎啫！哈哈！」
陳展鵬昨天（9日）出席酒會，形容最近與女友單文柔蜜旅英國為「見到的任何事都很美好」。（梁碧玲攝）
他表示現時科技發達，在人人都有手機在手的時代，藝人的私隱度和尊重程度都沒有以前高，即使私下偷偷去旅行，去到天涯海角都會被認出：「影響到大家嘅行為就真係唔係咁好，大家互相尊重。」不過展鵬都大方表示，如果被粉絲認出，都會很樂意跟對方合照。早前Phoebe說為了展鵬，特意在《美女廚房》中偷師，展鵬大驚：「喺美女廚房偷師？咁咪出事？美女廚房啲嘢唔熟㗎喎！」雖然笑指女友廚藝未精，但卻露出「冧爆」笑容表示甘願再度為女友的新奇料理當「白老鼠」：「等佢再學吓師先啦！」
展鵬笑指即使私下偷偷去旅行，去到天涯海角都會被粉絲認出。（梁碧玲攝）
對於盛傳胡定欣約滿離巢，展鵬表示從沒聽聞過，不過就很懷疑傳聞的真偽：「我自己喺Tvb都成日有報導話我會唔簽Tvb，亦都話我會離開Tvb，真真假假真真，真係要問返當事人好啲啦。」