游學修大爆「試當真」10月停運真相 竟然同呢樣嘢有關

由游學修、許賢、蘇致豪創立的 YouTube 頻道「試當真」在4月1日愚人節，無預警宣布將於今年10月26日、亦即5周年當日停止運作，事件惹起網上關注。

游學修今日出席運動會。（葉志明攝）

游學修今日（29/4）現身西貢出席運動會，就事件接受《香港01》訪問時表示：「點解有咁嘅決定，係因為唔想做，覺得自己唔識做老細，我想專心做返演員同創作嘅嘢，做老細係一件好困難嘅事嚟，亦覺得唔係我擅長嘅事。（係咪對住員工好激氣？）唔關員工事，純粹係自己唔係做老細嘅材料。（5年嘅心血！）係，咁所以要好頭好尾，更加想同大家做好個尾，光榮結束。（結束平台呢個決定諗咗幾耐？）其實我哋都諗咗幾年，雖然做咗5年，但其實都諗咗4年，一直都諗幾時結束，但近排又諗又覺得幾好，就決定結束。（資金問題？）其實之前都回應過，你就當係，我講唔係又冇乜意思。（你話唔係資金問題都冇人信！）係，係，係資金好大問題。」