沈宗賢大爆「渣男」鄭梓浩同無綫未解約：群組仲見到佢

沈宗賢今日（5/4）現身屯門出席無綫歌唱比賽節目《中年好聲音3 》7強見面會。被問到會可與《中2》戰友聚舊，沈宗賢接受《香港01》時表示：「其實我哋《中2》嘅一百強，每年我哋都會搞聚會，日子就定係9月份，就係喺我哋比賽節目首播嗰日。」

沈宗賢睇好黃博攞冠軍。（吳子生攝）

被問到會否約埋「渣男」鄭梓浩出席聚會？沈宗賢表示：「我哋已經好少見，因為我見到佢好似喺內地多，而我就係香港多。（會否再度合作？）都要睇公司嘅安排，因為我哋仲係同一間公司。（無綫冇同佢解約？）我喺公司嘅群組上都仲見到佢，因為我哋公司嘅同事都會係嗰個群組上約出嚟食飯。（鄭梓浩喺群組有冇同大家互動？）都冇乜，可能佢喺內地比較忙。」