鄧麗欣拍廣告遇怪事要急call師傅去幫手 一舉動嚇窒現場工作人員
撰文：張嘉敏
出版：更新：
2
0
0
3
0
鄧麗欣 (Stephy) 最近為健康產品拍攝廣告，竟然出現「腰」怪事件。工作人員事前按照鄧麗欣紅館演唱會巔峰期身材準備長裙，誰知她拍攝當日狀態再破頂，工作人員需要急call裁縫趕到現場為她收窄腰位。
鄧麗欣紅館騷後冇偷懶，反而愈戰愈勇，在廣告中，她需要企上台360轉，務求將好身材展現無遺。可是品牌方原本精心準備給鄧麗欣的白色長裙竟然太大，全因她現時的身材比紅館演唱會時更上一層樓，導致裙裝腰位需要現場微調。更誇張的是，鄧麗欣於拍攝間場時，竟然即場做起運動，自律程度嚇窒全場工作人員，紛紛大讚她自律及專業。
被問及如何保持Fit爆身材，鄧麗欣笑說：「冇㗎，想keep得好又或者係想變靚啲⋯就一定要靠健康同自律。除咗Keep住有做運動同控制飲食之外，我平時仲會食益生菌。揀益生菌同揀歌揀劇本一樣，要知道自己想要啲咩⋯再選擇最適合自己嘅產品。佢呢個系列有4隻唔同功效嘅益生菌，我會根據當時嘅身體狀態去選擇，祛水、燒脂又或者係排毒美肌，全部都係益生菌⋯條腸好緊要㗎，腸先變靚啊嘛！」
