羅志祥同粉絲安全之吻惹爭議　網民：周揚青要哭了

微博坐擁6千萬粉絲大軍嘅羅志祥，每年都會分別喺上海、台北、香港舉行見面會，而日前佢喺上海舉行「家人見面會」時，雖然未有公開予媒體拍攝，但網上有唔少相關照片、視頻。而其中一條影片，係羅志祥同粉絲玩台灣唔少綜藝節目都會有嘅「安全之吻」，影片所見，羅志祥一手拎住道具，一隻拖住女粉絲，但或者係因為其男性魅力過於強勁，令到其對手喺「接吻」期間，情不自禁將手放到羅志祥頸後，猶如一對熱戀中嘅情侶，現場亦因而尖叫聲不絕。

而除了「安全之吻」外，對於back hug影合照、公主抱等要求，羅志祥亦一一做到，照片於網上流出後，「羅志祥粉絲福利」即時成微博熱搜。而「安全之吻」更引起爭議，既有網民問「女友不會生氣嗎」、「周青揚要哭了」，亦有網民認為不合適。但羅志祥嘅粉絲解釋指出，呢種福利每年都會出現喺歌迷聚會上，並唔需要大驚少怪。