房署近期嚴打濫用公屋，租戶必須如實申報資產，連在本港以外的物業都要申報。有港男發帖急問：「在鄉下有間祖屋，唔值錢，究竟報唔報好？」大量網民留言討論，有人認為「唔報，報咗好麻煩，要上返大陸出證明」，但更多網民勸喻樓主如實申報，「要報，房署查到話隱瞞就麻煩」、「房署唔係用值唔值錢嚟計，在申請人名下嘅資產都要報，唔好攞嚟煩啦」，更有人笑言「等睇街坊為咗3,000蚊去舉報」。

樓主急問應否申請內地資產

樓主在facebook群組「公屋討論區 - 香港facebook群組」表示，自己在鄉下有1間祖屋，自言「唔值錢」，詢問到底應否向房署申報，但他沒有交代到自己正申請公屋，抑或已經是公屋戶。

網民普遍支持如實申報

帖文引來許多網民討論，當中有人覺得申報內地資產手續麻煩，不應申報，但網民指出「我已經報咗，被佢查到仲麻煩，不過要返1次大陸搵公證行估價，份嘢我鄉下整，大約1,500蚊」、「如實申報，安心放心」、「如果無收租，大陸樓只會計在資產值」。

（facebook群組「公屋討論區 - 香港facebook群組」）