即使要辭職，許多打工仔總想與同事及上司好來好去，但世事未必盡如人意。有港男在Threads發文表示，數個月前辭職，公司經理聞訊表示「你呢啲咁嘅人，阿豬阿狗都取代到你」，港男立即回應「咁就太好啦」。樓主辭職後展開反擊，「喺呢1個月入面，我都無交低畀任何同事知我跟緊嘅嘢」，結果離開公司後，同事每數天便致電「問啲嘢點做」。

網民︰佢再打畀你，可以報警話佢滋擾

大量網民在帖文笑言「做得好」、「佢再打畀你，可以報警話佢滋擾，以前試過同樣情形，我真係報警話佢滋擾，幾日後就冇再打過嚟」、「你阿頭都好有問題，冇安排交接？」、「Last Day過後，任何關於呢份工嘅事情一律唔知道、唔清楚、唔記得」。

網民質疑理應由經理致電求助

亦有網民指「咁樣你係教訓唔到經理，只係苦了繼續做嘅同事，但如果啲同事都X，就當我無講過」，其他人笑言「你同事要識拆，推返波」、「應該叫同事叫經理打嚟，之後講你個經理位，阿豬阿狗都取代到你」。

（threads@billy_bloooom）