連鎖餐廳是「醫肚」好地方，但如果食物份量太小，難免會覺得受騙。近日有食客就在網上發文，公審大快活的豬柳蛋麵的份量，拍照批評「塊豬柳細過包糖」，惟大批網民看過照片，紛紛反斥其拍攝角度有問題，才導致有砂糖比後方的豬柳小的錯覺，笑言「你碗麵又大過對面張櫈喎」。

該名食客在facebook討論區發文，上傳手執1包砂糖與後方豬柳蛋麵作對比的照片，直斥「大快活豬柳蛋麵，塊豬柳細過包糖！」。不過，眼利的網民看過照片後突破盲點，解釋指樓主手中砂糖比碗中的豬柳更靠近自己，自然會顯得較大，故導致砂糖比豬柳還要大的錯覺，「你試吓將包糖放落個碗度，再攞塊豬柳上嚟，咁塊豬柳就會大過包糖，如果當眼鏡放喺隻眼前面，咁你睇全世界都係豬柳」、「包糖放眼前，大過宇宙呀」。

為了反駁樓主，許多網民亦上傳照片，利用與樓主一樣的拍攝方法，笑言「我嘅手指大過月球」、「SONY都出咗部細過我手掌嘅電視」、「手指大過花灑點算，沖涼淨係濕腳趾喎」。