我睇你唔到，我睇你唔到！這個八格的顏色圖，每個顏色格內都有個英文字，你睇唔睇到？這張指稱是驗眼專用的八格圖，近日在網上瘋傳。據說只有「具備完美色覺」的人，才能看到全部八張顏色圖中的英文字。記者第二和第六格都看得不清楚，那是否代表色盲？

眼科醫生都做過測試

眼科醫學院前院長，眼科專科醫生周伯展看過這個「驗眼圖」後，奉勸大家當遊戲玩就算。「我哋一班眼科醫生都做過這個測試，但最大影響結果是個電話，並唔係指電話貴或平，有啲電話模式清楚啲就能睇到啲英文字，有啲電話雖然貴，但未必能顯示得晒（英文字）。所以如果睇唔到啲英文字，係電話款式問題，唔係人既眼睛有問題。」

周醫生說，這個驗眼圖原意應該是用來測試大家對光線的靈敏度，而並非色盲或色弱。「你睇電視，螢光幕上有brightness（光度）、color（顏色）和 contrast（對比）呢三樣東西調校，呢個test只係在測試對字和顏色對比既靈敏度有幾多。」周醫生叫大家不用太認真對待測試結果。「如果真係好擔心，就找揾眼科醫生檢查。」

大家究竟睇唔睇到呢幾張顏色圖入面的英文單字？

測色盲並不是這樣測

視光師Andy Cheung亦向《香港01》指出，這幅圖應該是用眼科檢查色盲、色弱的原理來設計，「只不過佢用咗電子產品，即光影來做顏色比較。但如果真係要做色盲色弱測試，我們應該要用real image， 即字體或圖案也好，係印出嚟做測試。現時很多人用電子產品，所以有人做一些好簡單的eye test，類此顏色對比俾大家玩。其實正確測色盲方法應該是顏色混雜在一起才做測試，簡單來講呢個測試並唔準確。」