基斯伊雲斯（Chris Evans）飾演的「美國隊長」（Captain America），可謂最受歡迎的Marvel電影世界角色之一，其願意為國家及人民犧牲的精神，感動了萬千觀眾。美國隊長窮盡一生精力去守護地球，曾跟摯愛Peggy Carter錯過一次，後來在《復仇者聯盟4：終局之戰》（Avengers: Endgame）中，靠時間旅行回到過去重新選擇，跟愛人共度餘生。

粉絲對於美國隊長能有美滿結局感到欣慰，而當中不少人探究，多年來美國隊長是否保持「處子之身」呢？這個話題原來一直在網上發燒，近日更傳到《美國隊長》電影系列編劇Stephen McFeely耳中，他受訪時正式回應這個疑問：「點解啲人會覺得佢係處男呢？我覺得佢一早失去童貞！」

Stephen McFeely補充說美國隊長靚仔又有魅力，必定有大把粉絲自動獻身，就算美國隊長形象有幾正直，亦不代表他對親密關係沒有興趣：「Steve Rogers並唔係一個謹慎嘅人，雖然佢做到自己好似係，佢係一個是非黑白分得好清嘅人，但佢唔係聖人，佢係一個二戰老兵。」