微博金V要過千萬流量身份象徵 連汪明荃胡杏兒都攞唔到?

撰文:
最後更新日期:

高海寧因客串劇集《三十而已》獲好評,微博粉絲人數急增之餘,亦獲官方嘅金V認證,對於首次開拓內地市場嘅佢嚟講,絕對係開心事。

馬國明手動自我金V認證,非常可愛。(微博圖片)

微博早年推出金V認證時,有網民笑言係身份嘅象徵。簡單嚟講,微博三步曲分為最普通嘅橙V,再來係紅 V,要獲紅V,基本要求係要有5篇原創的文章或者5個原創視頻,上月被閱讀數要有1000萬;至於金V,基本要求係每月閱讀量要達到1000萬。換言之,一齊都是人氣,難怪連高Ling都話「好難keep」,內地藝人韓庾早年就試過因為長期丟空微博無發文,搞到被降級為橙V。

劉愷威雖然坐擁1700萬粉絲,但佢不時幾個月先發一次文,所以沒有紅V。

唔少早年北上嘅藝人如羅嘉良、陳浩民等,雖然喺內地有一定知名度,微博粉絲亦以百萬起計,但卻未有紅V認證;再睇睇愛國藝人梁競徽a.k.a梁烈唯,由於佢只玩微博,加上不時發文,所以金V是常識吧;同樣係工作重心在內地嘅王祖藍、吳卓羲、林峰、王宗澤,亦早獲金V認證;另外有喺《三十而已》演出嘅馬志威,微博粉絲雖然唔過百萬,但劇中演渣男嘅佢不時出現熱搜,獲金V也是預計之中的事情 。

之前怒刪IG嘅梁競徽a.k.a梁烈唯,上月返內地拍劇時,密密發文,有金V是正常的。

曾帶起汪阿tag熱潮嘅汪明荃,微博發文次數都好密,但仍然未見有紅V的出現;至於另一位花旦胡杏兒,雖然拍過唔少內地劇集,但或者係近排無作品推出,所以同樣無紅V。近期因內地綜藝《乘風破浪姐姐們》而爆紅嘅鄭希怡(Yumiko ),則早獲金V認證。

+22
+21
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。