大叔的愛︱與盧瀚霆吻戲連場 Edan唔擔心:錫完確定鍾意女仔多啲

撰文:葉詩
出版:更新:

ViuTV購入日本大熱BL劇《大叔的愛》,由黃德斌飾演部長KK、炙手可熱的MIRROR成員Anson Lo(盧瀚霆/AL)飾演凌少牧,二人均對Edan(呂爵安)飾演的田一雄一往情深,由於原版已經氣勢如虹,更是香港電視界首度開宗明義拍BL,令一眾鏡粉未播先期待。
周三(21日)劇集煞科前最後一天開工,並舉行探班活動,需要拍攝親密戲份的Edan和AL均指無需做心理建設,AL:「我哋接戲嗰陣已經有心理準備!」Edan就信賴好兄弟:「正因為同AL反而更加舒服,我哋真係太熟,本來成日都攬頭攬頸,錫之前都冇話好擔心、平常心。」又指AL:「佢好緊張因為期待咗好耐。」不過二人言談間大爆吻戲不止一場,AL更信心十足:「我個嘴應該都算柔軟同幾香。」Edan就笑指已經忘記接吻的感覺:「錫完就更加確定鍾意女仔多啲!」

+10

Edan與AL這對屏幕情侶日前與姜濤合拍廣告《大姜的愛》,這段辦公室三角戀中的粉紅泡泡隨即掀起話題,問起廣告與《大叔的愛》的分別,AL指廣告中的他比較誇張:「劇中比較沉實,就算嬲都唔會揼地,廣告咁樣娛樂性會高啲。」Edan在《大叔》中亦比較不會向AL撒嬌:「唔會發姣,我覺得《大姜》有啲發姣,但都幾得意、好玩。」

同場加映:大姜的愛|MIRROR三角戀睇到手腳捲縮 呂爵安被姜濤挑逗變高潮眼

+55