ViuTV全新節目《晚吹 - 戀講嘢》逢星期二晚上11時30分播映，由ERROR成員193（郭嘉駿）、鄭伊琪（浩南）、譚凱倫（Helen）、郭奕芯（Ashina）擔任主持，全方位以貼地﹅刻薄﹅保守﹅豪放四個不同視覺，排難解紛及拆開愛情枷鎖。今晚（31日）播出的第2集邀請到兩位嘉賓大談感情煩惱，第一位嘉賓Erica是一個西裝控，特別鍾情西裝男。193問三位女主持有冇試過因為衣着打扮而喜歡一個男仔，Ashina竟然突然示愛：「梗係有啦，我就好鍾意啲好乾淨，好韓國Style，即係識襯衫，即係好似你咁。」立即惹來其他兩位女主持起哄，Helen取笑Ashina：「每6秒一個示愛。」

嘉賓Erica 分享一次同同事飲酒後，醉後接吻，戀上「就婚夫」，對方已有未婚妻的經過。 Ashina就表示同曖昧對象，飲酒後錫特別有feel：「我試過做主動，當時飲咗少少酒，加上同佢玩玩下，我同佢講，你睇吓，我個嘴有啲乾呀。其實我對個男仔有啲意思，大家都知道大家有啲意思，跟住佢話係咩，咁要試吓先知，跟住我就一嘢錫落去。」

點擊圖輯睇Ashina性感靚相：