梅艷芳 | 王丹妮驚喜票房可觀 無理會官司問題:我只係演員

撰文:朱奕錦
出版:更新:

王丹妮(Louise)今日(8日)亮相Miu Miu Women's Tales「女人的故事」放映活動,品牌於2011年起,每年春夏、秋冬兩季都會找來不同國籍、文化背景的女性導演及演員,為品牌拍攝該系列微電影,以女性角度訴說女人故事。

剛剛拍完女性題材電影的Louise,對這類題材也零捨鍾意,透露自己無論什麼電影都很投入其中,好容易代入角色:「我自己好鍾意有一啲幻想,如果我係嗰個角色我會點樣演佢嗰下嘅眼神,可能係代表之後啲乜嘢,我係好鍾意咁樣去估。當然都有一啲如果好感性,好傷感嘅嘢,我都會睇到真係bang bang聲流眼淚,我都眼淺嘅。」

Louise很鍾意女性題材電影,她說「當中都可能有好多自己嘅感受或者人生經歷嘅嘢,如果一有相似嘅地方你會更加投入。」(梁碧玲攝)

鄭秀文大讚Marf有型 直言新人訓練好準備充足:令我好感動

如今電影票房已接近5000萬,對於文藝片來講已非常可觀,Louise表示當初其實沒有去預判成績會如何:「接呢部電影純粹係因為嗰個緣分,同埋都係一啲使命感,我覺得係整個團隊因梅姐去努力做好呢一件事,所以數字其實從來大家都冇提及,而都冇去諗,所以真係好驚喜,都非常感恩。」

Louise感恩大家支持電影。(梁碧玲攝)

鄭秀文(Sammi)在上月中公開大讚Louise在戲中的表現,對此Louise也大感開心:「我冇expect咁多前輩睇完之後自己有好多好深嘅感受,佢哋真係會打一啲IG Story或者出post去講呢套戲,我真係完全始料不及嘅,好surprise,亦都好開心,仍然係感恩、感激同感謝嘅心去面對所有嘅事情。」Louise指Sammi好有心,更會當面親自多謝對方。

Louise好感恩有很多前輩出post談論電影的觀後感。(梁碧玲攝)

除了前輩們之外,Louise的另一半羅孝勇也很支持太太的電影:「啱啱首映嗰陣時佢有嚟支持,之後自己屋企都有包一個好細嘅場,大家一齊去再睇,我終於可以坐低認真咁睇。當然睇完之後佢都有替我開心,同埋都有同我講proud of you,都係一個好大嘅鼓勵同支持。」

先生羅孝勇很支持太太。(梁碧玲攝)

最近梅姐哥哥梅啟明聲稱持有梅艷芳的商標,《梅艷芳》一片在未經他同意下使用了該商標,遂入稟安樂影片索償,並要求禁止再冒梅艷芳的商標,Louise表示:「呢方面要問返安樂電影公司,因為我哋只係身為一個演員,我係淨係做好我自己嘅本分,所以其他嘢我哋係唔會去理太多。」聽到這個消息的時候,Louise指自己也沒有理會:「因為唔關我事,其實我只係一個演員,所以都係努力做好我嘅宣傳部分,希望能夠令更多人認識梅姐嘅故事,同埋能夠一齊繼續去支持,去秉承返、傳承返梅姐嘅精神,我覺得呢個先係最重要。

Louise沒有理會官司問題,只是做好演員本分。(梁碧玲)
你可能感興趣