陳家樂將與連詩雅度婚後首個新年情人節:期待一齊揀利是封派利是
撰文:鄧穎琪
出版:更新:
日前,陳家樂受邀出席時裝品牌舉辦的可持續時裝設計競賽,近日正忙於拍攝新片而留了一面鬍鬚的他,認為這是一個很好的環保概念,他說:「將一啲舊嘅衣物回收再重新設計,亦都可以將一啲可能過咗時嘅衣物加入新元素,令到嗰個時裝感覺再一次散發出嚟。又或者用一啲唔同嘅配搭去令到嗰件衫可以再着多幾次,佢會有另一番嘅味道。所以我覺得配搭得宜,係可以循環再着多幾次。」
去年跟連詩雅(Shiga)結婚的家樂快將迎來二人的首個農曆新年,他表示包利是時感覺特別:「以前同佢拍拖嘅時候,我封我姓陳嘅利是封,佢有佢自己嘅靚靚利是封,今年我哋統一用一個利是封,大家一齊去揀選屬於我哋嘅利是封,個感覺都幾特別,感覺我哋係一條Team、我哋係屬於一個團隊咁樣去做呢件事。第一年真係一個家庭咁樣去派利是,都幾期待。」
農曆新年後緊接着情人節,同時亦是二人婚後首個情人節,不過家樂坦言「冇部署」:「因為我而家拍緊一部電影,希望完咗之後會同佢去到一個旅行。呢套電影都籌備咗一段時間,喺造型上有啲改變,要減肥,佢一路都陪我進行地獄式節食,所以完成呢部電影後希望可以同佢放假,情人節去到一個旅行,食返餐飽。」
提到不少觀眾大讚他於電影《金手指》中的演出,家樂表示有份參演已經很開心,觀眾留意到自己更是喜出望外:「今次有一個大家留意到我嘅一個角色,自己好感動,因為能夠喺咁多角色入面可以畀到深刻印象觀眾,好受寵若驚。亦都好多謝俾咗好多鼓勵我嘅導演,同埋兩位超級巨星:劉生(劉德華)同梁生(梁朝偉),有佢哋嘅演出先至會帶動到其他嘅演員可以交出一啲更加好嘅表現,因為有佢哋一啲咁好嘅演員,我哋先至會可以提升到自己嘅狀態,所以好多謝導演同埋兩位前輩。」
金手指|陳家樂向鄧光榮致敬 岑珈其拆解梁朝偉畀Like你要醒定啲紮職2|陳家樂一改形象演出大受好評 盤點歷年出賣大佬嘅反骨仔陳家樂新婚半年竟不滿老婆連詩雅? 出 Po親述生日遭遇陳家樂連詩雅兩公婆為愛犬慶生變爭風呷醋 但竟被呢樣嘢搶Fo連詩雅35歲生日被老公催生B 陳家樂:祝你三年抱兩陳家樂連詩雅|新婚全身金器逾50萬 鑽飾加埋近3百卡總值近千萬陳家樂連詩雅結婚|姊妹團最索係呢位 25歲已經係老闆月入六位數陳家樂連詩雅結婚|傳開門利是達131萬 陳自瑤衛詩雅回應露玄機陳家樂連詩雅結婚|婚禮來賓陣容鼎盛 溫碧霞紅裙搶Fo氣壓全場連詩雅結婚|陳家樂婚後要極速造人:生得幾多就幾多陳家樂連詩雅結婚|低胸婚紗出嫁 眼泛淚光宣誓情深擁吻場面感人陳家樂連詩雅結婚|岑珈其「投訴」做兄弟無利是:知佢budget唔夠