月入$2.5萬被大使老婆斥廢人唔發奮 港爸訴苦:為個女唔想離婚

撰文:安祖娜
出版:更新:

分開簡單抹去往事極難,夫妻相處不合並不是離婚就能輕易解決問題。有港爸日前於討論區發文訴苦,稱妻子一向「大花筒」,兩人拍拖數月便「奉女成婚」,婚後一家的擔子在他身上。雖然太太曾答應會盡量減少消費,惟很快便打回原形,更不時批評港爸賺錢不多,怒斥他是「廢人」,甚至揚言離婚。港爸直言自己「為咗個女喺個完整家庭成長」而忍氣吞聲,希望「教好」太太。帖文引來網民熱議,不少人建議港爸認真思考夫妻的感情,而他後來也回應指已打算尋求婚姻輔導協助。

有港爸大呻,太太一向大花筒,婚後不但沒改變,更將責任推卸給他。(《BB來了》劇照)

下載「香港01」App,即睇城中熱話

該名港爸於親子王國討論區以「應唔應該同貪錢老婆離婚?」為題發文,稱認識太太時已知對方「大使」,每月也花光1.5萬元的薪金,「成日掛住買名牌同化妝品,出街所有使費我出唔在講,經常都會叫我送呢樣送嗰樣(唔貴唔要),又成日要去旅行」。兩人拍拖數個月便奉女成婚,婚後太太更辭去工作,夫婦住在港爸父母的物業,所有生活開支由月薪2.5萬元的他獨自承擔。

港爸婚後曾向太太表示,「做咗人哋阿媽之後唔可以好似以前咁使錢法」,太太曾答應,惟不足3個月便故態復萌,「不停畀我睇啲名牌袋,話人哋老公會送畀老婆,日日睇YouTube,話人哋幾好住大屋又有工人,話做窮人真係慘之類」。

港爸訴苦全文▼▼▼

+3

事實上,港爸也有努力養家,每月給予太太1萬元作為家用,惟對方「月中未夠已經使晒」,而且將責任推卸給他,「又唔肯出返嚟做嘢,好多家務又唔做,成日係等我返去我做,到咗呢個月話我唔發奮搵多啲錢畀佢,話我廢人之類」。

種種經歷令港爸非常難過,但當他向太太坦白時,對方卻未有體諒,「我話佢就發晒爛渣話離婚搵個有錢佬」。港爸直言女兒對他很重要,自己是「為咗個女喺個完整家庭成長」才忍氣吞聲,不希望走到離婚一步,只好向網民求救。

港爸直言女兒對他很重要,自己是「為咗個女喺個完整家庭成長」才忍氣吞聲不願離婚。(《BB來了》劇照)

不少網民看過港爸的經歷,都認為事件早可避免,直指夫婦是為了女兒才勉強結婚,導致今日的結果,「你好緊張個女,但睇唔出你有幾愛老婆,睇唔出你老婆愛唔愛你,可以肯定係佢愛錢並且嫌棄你」、「當初識幾個月佢有咗就拍心口話結婚已經係好魯莽、幼稚同不負責任嘅做法」。

有網民則建議港爸先尋求專業人士協助,如感情未能維繫,早些分開也不是壞事,「揾婚姻輔導幫手,試咗唔得就唯有分開」、「兩個人一齊需要經歷磨合期,雙方未磨合已經為人父母,要咁短時間擔起唔同角色係難以適應」。港爸其後亦回覆指,打算接受婚姻輔導,同時認為「如果我老婆肯出返來做嘢,請個工人,應該好多問題已經解決」。

+4

上一代成長環境及價值觀不同,相處難免會遇到矛盾。有港媽在討論區上表示,自己曾經患上妊娠毒血症,BB於28周早產後很快就夭折。不過老爺卻以為毒血症就是熱氣,質疑港媽懷孕時吃太多熱氣食物,又說BB出生後「冇7個月大,似5個月」等難聽說話,等同在港媽傷口上撒鹽,令人極度難受。▼▼▼

+15

👇👇👇同場加映:港媽任兒子打人搶玩設施 被勸反發惡爆粗 事主嘆:超越怪獸家長👇👇👇

+4