【理財】被動收入即輕鬆賺錢? 一文了解搵錢向、儲錢向心態不同

撰文:
最後更新日期:

睇得耐窮生啲文嘅人,或多或少都覺得喺香港要活得有尊嚴,有啲錢傍吓身係走唔甩嘅!當你睇到呢個題目嗰陣,你可能會話:「乜搵錢同儲錢有衝突嘅咩?」

大家唔好做標題黨住,好似蘇民峰批命咁,佢出名係自創寒熱命論,將人分為寒命、熱命、平命。窮生亦有類似理論,不過就科學得多喇!窮生所講嘅係你係儲錢先決定係搵錢先決。

在香港生活,一定要有錢傍身,不過,人人性格不同,想有效儲錢必先了解個人對金錢的取向,以免「用錯力」而令儲蓄大計裏足不前。(資料圖片)

作者:窮一生

睇得耐窮生啲文嘅人,或多或少都覺得喺香港要活得有尊嚴,有啲錢傍吓身係走唔甩嘅!當你睇到呢個題目嗰陣,你可能會話:「乜搵錢同儲錢有衝突嘅咩?」

大家唔好做標題黨住,好似蘇民峰批命咁,佢出名係自創寒熱命論,將人分為寒命、熱命、平命。窮生亦有類似理論,不過就科學得多喇!窮生所講嘅係你係「儲錢先決」定係「搵錢先決」。

窮生點解會寫呢個topic呢?因為窮生最近開始收到好多網友嘅inbox,分享自己嘅情況同交流吓理財心得。有好多人同窮生傾計,聽到好多窮生嘅嘢之後都會覺得,我都要好似窮生咁做先得。我一聽到呢啲嘢,我都會立即應一句:「其實人人想要嘅嘢都唔同,我嗰套未必啱你哋用」。窮生寫文係希望大家多啲了解自己嘅需要同專長,由窮生嘅文章悟出一條自己嘅理財之路!

入正題之前,我要首先定義番呢兩類人。

現實生活中,窮人的選擇總是比有錢人少,不少打工仔都希望找方法向上流,改善生活質素。(劇集《男人唔可以窮》截圖)

【搵錢向】

搵錢人顧名思義即係以搵好多錢為目標,努力工作,諗方法令自己嘅收入增加而再上流嘅人。呢類人香港其實好多,因為香港始終係一個資本主義嘅社會。喺社會努力鼓勵消費嘅氣氛之下,呢類人有好多嘢想擁有,有好多好多唔同嘅目標同理想希望達到,所以好難係唔涉及到錢。所以,呢類人咩嘢有錢搵嘅機會都唔會放過嘅,都係推動香港競爭力嘅一群。

搵錢人的野心大,窮生建議他們以進取的方式增加主動收入,例如開拓個人事業,自己當老闆。(GettyImages/VCG)

喺消費主義嘅誘惑之下,慾望會推動你唔介意努力工作去支持你嘅高消費活動,所以呢啲人嘅理財方法要進取啲,除咗工作之外,需要一啲副業同進取啲嘅投資組合去支持,窮生會建議佢地搵多啲「主動收入」。

「主動收入」好處係回報較高,有機會發達,而且比較能夠控制。「主動收入」主要係開拓自己嘅事業,分分鐘可以全職做老細,而唔好處就係會好困身,因為工作就一定會佔用時間,要發達就要付出生活同談戀愛嘅時間,而風險都會較高。所以喜歡向前衝嘅人都要考慮清楚,唔好睇見人成功就去,睇唔到99%輸咗嘅人幾慘呀!

【儲錢向】

儲錢人即係以積穀防饑為主要任務嘅一班人,佢哋覺得自由時間比較重要,錢都要搵但係唔可以好困身,唔會因為想搵多幾個錢而放棄自己/朋友/家人一齊嘅時間。比起有好多好多嘢想做嘅搵錢人,佢哋大多係好多嘢都唔想做。佢哋都可能會想辦法搵多少少錢嚟儲,但大前題係唔影響自己嘅work life balance(工作生活平衡)。呢啲人本身物慾唔會好強,大部分嘅興趣都唔係要用好多錢,反而要好多心機同時間。

儲錢人比較重視work life balance,不太願意將大部分時間用作工作賺錢,窮生建議他們增加被動收入,如投資股票、債劵等。(GettyImages/VCG)

係咁嘅情況佢哋就會不時覺得自己份工好困身,如果佢哋理財好嘅話,多數就算唔係搵好多錢都好,都會想辦法儲定啲錢。由於呢啲人本身用嘅錢唔多,出嚟做嘢幾年都會儲到唔少錢,係比較以不變應萬變嘅生活方式!呢類人應該找方法以現有資金增加「被動收入」,例如投資股票、債劵、車位甚至房地產。

以香港人最愛嘅住宅單位為例,如果你可以喺50歲前擁有兩個住宅物業喺手,咁你下半世都唔會餓死先。心力就可以放喺其他興趣上面了,「被動收入」好處係彈性大,不會太困身,只要有好嘅計畫,你可以同時有好多唔同嘅「被動收入」來源,而且「被動收入」係可以長期運行,到90歲,只要你唔死/腦退化,一樣可以Run(運作)落去,而唔好處就係回報多數比較慢,而且如果你嘅主動收入(你份工)唔夠多的話,要小心輸入肉,本金冇咗好難回氣的。

無論你是哪一類人,都需要時刻用腦,計劃未來,學習新知識,令自己不會被社會淘汰。(GettyImages/VCG)

總結

睇完窮生對以上兩種人嘅陳述,可能你心入面已經有答案自己係邊類人。大家應該跟返自己嘅方向好好定下自己嘅理財哲學,唔需要強行學習人哋所謂嘅成功例子,到頭來可能唔成功而自己白白辛苦一段長時間。不過無論你係邊類人都好,都有一樣嘢唔可以唔做,就係時刻用腦,去計劃,去學習。唔好以為「被動收入」叫「被動」就唔使用心經營,呢個世界最鍾意懲罰啲唔用腦嘅人,大家一定要記住呢點。

【作者簡介】

窮一生,80後多媒體設計師、《窮家有道》網站主理人及《戒窮》作家。22歲由3萬元總資產、12K月薪起步,26歲儲到人生第一個100萬,30歲再翻數倍,座右銘是「學會掌握理財技能,使我可以『窮一生』的追逐興趣」。

著作:《戒窮》(2019新版)

(本文授權轉載自POORLHK,經01職場頻道編輯,原文標題為【你係「搵錢向」定「儲錢向」?】)

【理財】愈窮愈要懂理財 月入萬多元沒父幹如何「戒窮」?

80後設計師,亦Facebook專頁「窮家有道」版主「窮一生」小時候因父母離婚,由中產變成公屋戶,嘗盡貧窮滋味。他與大部分香港人一樣,沒有父幹、沒有從事「搵錢」行業,只靠儲蓄、學習理財及發展多元收入脫貧…

立即下載《香港01》,緊貼公務員職位空缺、勞工處筍工推介,了解CV、面試致勝技巧!
下載網址:
https://hk01.app.link/bkbJyY5t4O



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。