【理財】搵到錢仍然嗌窮? 了解三大貧窮屬性 針對性學習脫貧

撰文:梁啟敏
出版:更新:

2003年,黃子華係佢嘅《黃子華棟篤笑:冇炭用》入面講到:「你地一定要讀多啲書呀,如果唔係你哋係唔會明白點解你哋會冇嘢做﹗」
大家覺得好笑之餘,其實子華神講嘅嘢往往都有大道理喺度。同樣,十幾年後嘅今日,香港人同樣已經走出咗「沙士」同一次又一次嘅金融危機。但係我地嘅生活好似真係冇乜好咗!睇吓面書上嘅新聞,好多人一樣係好窮,搵到錢都會窮,點解呀?洗哂囉!搵得多洗得仲多咪會窮囉!唔係咁樣?就要細味吓子華神呢句說話,當你想改變現狀,第一步就係要知道自己點解會好似而家咁窮。
作者:窮一生

(GettyImages/VCG)

窮生點解咁鍾意講啲唔開心嘢?因為幸福就得一種境界,X街卻係每一種X街嘅情況都有佢自己嘅故事,有趣好多!同樣,窮係X街嘅一種。所以窮都有分幾個屬性,好似睇中醫咁,你了解咗自己係咩底嘅人,先可以對症下藥去醫。

就等窮生幫你把把脈!(資料圖片 / 李澤彤攝)

【貧窮屬性一:消費系】

香港最常見,同中醫學上嘅濕熱人士一樣咁多。點解咁講?因為香港係亞熱帶海洋性氣候,溫度高,濕度都高;加上香港人飲食同作息習慣,所以香港人大多都有濕熱問題。同理,消費型貧窮同樣係受香港環境影響而生。

香港係資本主義社會,消費主導,大家習慣咗以錢去解決生活上嘅問題。餓?外賣囉!朋友見面,一定係宵夜直落啦!啲嘢壞咗咪換過新囉……要使起上嚟,以一個月二萬收入左右嘅一般打工仔嚟講,係咪真係咁足夠畀你去用錢解決問題呢?

【治療方法:美沙酮療法】  (按圖了解)

所謂消費型嘅人其實係上咗癮!癮君子大多係意志力薄弱人士,治療應該由淺入深,了解自己一個月嘅行為模式以及消費習慣,再由你最冇癮嗰樣嘢開始減,例如:「比起食好嘢,我更加可以忍得到唔『飛的』」,咁我哋就減咗「飛的」先。

錢方面,我哋可以先定下自己一個月嘅開支預算,先定一個儲錢計劃,例如月入15K,我一開始要定下月儲5K嘅目標。交3K家用,有7K可以用嘅。出糧先交家用,之後把5K轉到另一個戶口,將嗰個SAVING(儲蓄)戶口嘅卡剪咗佢,或將5K用作月供盈富基金投資等等,總之唔可以咁易用到!5K嘅目標要年年增加,做到個人消費開支大約佔你收入25%以下為健康。

出糧先交家用,之後將要儲起嘅人工轉到另一個戶口,然後將嗰個SAVING(儲蓄)戶口嘅卡剪咗佢,或將5K用作月供盈富基金投資等等,總之唔可以咁易用到!(GettyImages/VCG)

【貧窮屬性二:家貧系】

呢類喺香港都多,2016年統計署報告都話,香港有接近100萬貧窮人口,可見低收入家庭係唔少。作為低收入家庭嘅下一代,見住人哋有Daddy(爸爸)畀埋首期,一畢業就開始供樓,而你一出嚟12K一個月,仲畀阿媽迫你一個月交5K家用先夠開飯。內心嗰種無奈窮生係好明白,因為窮生都係家貧型貧窮底。

【治療方法:化療】

呢個情況係最難搞,因為呢個型係唯一牽涉到其他人嘅情況。你一定要同家人一齊定下共識,必要時你仲要把持屋企嘅財政。因為呢個型係由上一代是但一部分嘅家人係消費型/窮忙型而衍生出嚟。

你一定要係一個精明而量入為出嘅人先,以化療比喻係因為當中你一定會同家人意見不合而產生磨擦,係有傷害性,甚至極端情況係會家變的。不過如果你唔解決,只會跨代貧窮下去。要改變一定要硬起心腸,計一計家庭基本生活開支,畀一個緊緊夠用嘅家用金額,為屋企同自己日後都累積到財富先得!

以化療比喻,係因為當中你一定會同家人意見不合而產生磨擦,係有傷害性,甚至極端情況係會家變的。不過如果你唔解決,只會跨代貧窮下去。(GettyImages/VCG)

【貧窮屬性三:窮忙系】

呢種朋友多數係低學歷人士,有部分更可能係人生冇乜目標,唔擅長計劃嘅一群。低學歷低技術自然難以叫價,女生多見於文員,月入低於1萬;男生可能係做倉、食肆、超市之類的地方,月入可以萬幾,但最慘好快見頂,頂薪做到老也可能只有2萬多元,而且呢類工大多工時好長,又困身。好快,你嘅圈子就得番同事,眼光也只有舖頭以內,沒有時間同心力累積財富,就算累積到20萬至30萬,你都冇知識去好好利用呢筆錢。

【治療方法:物理治療】 

叫物理治療係因為低學歷人士長時間冇吸收新知識,大腦同身體都對新事物開始有麻痺感覺。要透過進修/轉行,一步一步由困身而且低收入的困境走出來。慢慢恢復同外界嘅聯繫,同吸收新知識、新技術嘅習慣。例如你可以報讀語文或專業技能相關課程,考取有關資格。由日日12小時的手動工作,慢慢多用腦去work smart,回復生命嘅靈活性!

叫物理治療係因為低學歷人士長時間冇吸收新知識,大腦同身體都對新事物開始有麻痺感覺。要透過進修/轉行,一步一步由困身而且低收入的困境走出來。(GettyImages/VCG)

【作者簡介】
窮一生,80後多媒體設計師、《窮家有道》網站主理人及《戒窮》作家。22歲由3萬元總資產、12K月薪起步,26歲儲到人生第一個100萬,30歲再翻數倍,座右銘是「學會掌握理財技能,使我可以『窮一生』的追逐興趣」。著有《戒窮》一書分享理財心得。

(本文授權轉載自POORLHK,經01職場頻道編輯,原文標題為【理財專家不會教你-了解自己窮的屬性】)

【理財】愈窮愈要懂理財 月入萬多元沒父幹如何「戒窮」?

80後設計師,亦Facebook專頁「窮家有道」版主「窮一生」小時候因父母離婚,由中產變成公屋戶,嘗盡貧窮滋味。他與大部分香港人一樣,沒有父幹、沒有從事「搵錢」行業,只靠儲蓄、學習理財及發展多元收入脫貧…

立即下載《香港01》,緊貼公務員職位空缺、勞工處筍工推介,了解CV、面試致勝技巧!
下載網址:
https://hk01.app.link/bkbJyY5t4O