以「放養」模式教兒子訓練自理 Coffee林芊妤揀學校只考慮一樣嘢

撰文:
最後更新日期:

林芊妤(Coffee)近年家庭事業兩得意,不但成為炙手可熱的瑜伽老師,亦經常在Insatgram分享和家人的相處點滴,一家三口非常幸福。Coffee囝囝翟德彥(伯伯)是最受歡迎的星二代之一,不少網民大讚伯伯自理能力高。Coffee就表示自己用放養的方法教伯伯,

「而家好多家長太過保護小朋友,但我自己就唔太緊張,就算囝囝整親、跌親,只要唔係好嚴重都好少理。」

(攝影:鄭子峰)

Coffee經常在Insatgram分享和囝囝的相處點滴,疫情下Coffee經常會和囝囝留在家中,「通常會喺屋企油顏色、水彩印手畫畫,亦都會整嘢食、睇書、運動、喺露台踩單車等等,其實一啲好簡單嘅活動,小朋友已經可以學到好多嘢。」

Coffee亦補充,囝囝非常喜歡睇書「我會揀一啲佢有興趣嘅書,甚至會畀佢自己揀。其實佢呢個歲數唔係要佢從書本學到好多嘢,最重要反而係培育佢揭書嘅習慣。」除此之外,Coffee亦會同囝囝去行山,「其實情況許可、唔危險嘅環境下我好少拖住佢,佢自己可以行好多路,我亦都鼓勵佢周圍探索、觸摸新事物。」

+13
+13
+13

被問到如何訓練伯伯多年自理能力,Coffee就笑言是用「放養」模式教育。「其實我覺得人應該錯誤中成長,小朋友亦唔例外」,所以訪問當日伯伯行樓梯跌親,Coffee都會要伯伯自己企起身。

「喺屋企我會盡量叫囝囝幫我手做嘢,例如掉垃圾、幫媽媽拎嘢等等,亦都會提佢要有手尾,慢慢伯伯就唔鍾意爸爸媽媽幫手,就算趕住出門,佢都會堅持自己著襪。」Coffee認為家長應該要給小朋友多些時間,「好多家長無耐心,會急住幫小朋友著衫、著襪,但係其實小朋友係學習緊專注,父母咁樣就阻止咗小朋友學習。」

Coffee亦表示,為伯伯揀學校的唯一要求就是開心:「幼稚園期間最重要係有個地方俾小朋友學習群體生活,有能力嘅,讀邊間都學到嘢。所以我唔會追求名校,最緊要伯伯有開心嘅童年。」

Coffee話自己用「放養」模式教伯伯,希望伯伯有開心嘅童年。(攝影:鄭子峰)

日前林芊妤(Coffee)帶兒子出席「海洋公園Chill級保育計劃」活動,了解保育珊瑚、海洋生物的重要性。Coffee事後指,看到死去的海豚感到反思。「保育真係好重要,我會畀囝囝睇好多有關海洋保育嘅書,等佢可以有保育嘅意識。另外家長日常生活應該以身作則,因為家長係一塊鏡,好多時候小朋友會跟住父母做事。」

Coffee亦提及,保育環境對於下一代的生活息息相關,「小朋友係我哋下一代,作為上一代嘅我哋已經慢慢改變思想,例如唔用飲管、外賣唔要餐具、用環保袋等等,其實係非常好嘅進步。我而家同囝囝行山亦都會帶垃圾袋沿途執垃圾,落山後丟喺回收箱,唔好覺得得自己一個做無用,其實多你一個好多!」

林芊妤(Coffee)認為保育環境對於下一代的生活息息相關。(攝影:鄭子峰)

相關文章:Coffee林芊妤大讚老公是最強大後盾 張繼聰陳豪被譽為圈中好老公

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。