親子staycation│房內唔好赤腳踩地氈?醫生盤點8大酒店衛生黑點

撰文:鄧煥儀
出版:更新:

疫情之下,港人未能出國外遊,留港Staycation成為熱門的親子活動。有醫生指,酒店房間內,也有不少地方暗藏危機!家長帶孩子入住酒店時,也要多加留意,時刻保持衛生意識。

按圖即睇8大衛生黑點

+4

最易忽略門柄

全科醫生鍾偉傑亦曾帶子女到酒店Staycation,他表示,酒店房間內最骯髒的衛生黑點必定是地氈。「一定唔可以俾小朋友赤腳踩地氈,要著襪,最好著埋酒店拖鞋。」

他提醒,電視遙控器、燈掣、馬桶、浴缸也是孩子容易觸碰的衛生黑點,大家最易忽略的是門柄。「酒店房出面個門柄係好污糟,要徹底清潔。」他建議以大張的70%酒精消毒濕紙巾,抹乾淨酒店房間裡裡外外的物件。「帶得佢出去玩,呢啲衛生要做到足。」

謹慎選擇玩樂時段

若家長希望帶小朋友使用酒店的玩樂設施,鍾醫生建議謹慎選擇玩樂時段。「如果酒店有定期消毒,就喺消毒完即刻去玩,唔好等個section差唔多完先去,就會乾淨少少。」

他指,酒店範圍內的公共設施,例如電梯按鈕亦是播毒高危位置,並提醒家長與孩子緊守防疫原則,時刻配戴口罩,清潔雙手,以及與他人保持1.5米社交距離。

孩子勿在地上爬

兒科專科醫生陳欣永表示,雖然酒店房間每天也有專人清潔,但大眾並不知道清潔有多徹底,提醒家長帶孩子入住酒店時,首要留意的是房間的地氈。

「當然佢哋會吸塵,但只係清咗表面嘅污糟嘢。會唔會有人倒瀉咗嘢,或曾嘔吐,又冇透徹清潔乾淨呢?小朋友要避免喺地下爬,同埋坐喺地下玩。最好自備拖鞋,或者用酒店提供嘅即棄拖鞋。」

避免浸浴缸

不少孩子喜歡浸浴,陳醫生指,每天也有不同客人使用酒店的浴缸,因此使用前宜先雙重清潔,消毒及抹乾淨。「最好非必要就唔好喺酒店房浸浴缸,企喺度沖涼會好少少。」

他補充,房間內的電視遙控器、電話、馬桶也是高危位置,使用前宜先消毒。除此之外,家長還要留意熱水壺。「冇人知道上手客人點樣用個熱水壺,會唔會喺入面煮麵。如果帶咗BB,要煲水沖奶,煲多兩次先用個熱水壺,就會好啲。」

相關文章:新冠肺炎∣主題樂園及酒店遊玩恐增感染風險 醫生教路防疫9招

+8
發表評論...