九巴港女vs內地媽影片瘋傳!被踢凳怒吼:死落車啦阿燦 結局絕了

撰文:布萊恩
出版:更新:

乘搭巴士要顧己及人,互諒互讓。本港網絡瘋傳1段影片,指九巴車廂內有港女因為被小朋友踢凳,不斷喝罵小朋友父母「死埋落車啦,阿燦」、「嚟咩旅行啫,撩交嗌!」,疑似內地媽則反擊指「我係邊度人我唔需要同你講,你做人唔好太過分!」。有男乘客看不過眼,斥責港女「影衰香港人」,雙方隨即爆粗罵戰。爭吵期間,港女疑似報警。

影片引來網民熱議,不少人批評港女「無品」,「自己丟臉」、「冇家教的駡人冇家教」;也有人認為港女憤怒無可厚非,「椅背俾人頂住或者踢真係會好X火」、「踢一兩次或投訴過後無再踼就ok嘅,如果唔聽的話,個父母唔理就真係火嚟㗎」。

本港網絡瘋傳1段影片,指九巴車廂內有港女因為被小朋友踢凳,不斷喝罵小朋友父母。(影片截圖)
本港網絡瘋傳1段影片,指九巴車廂內有港女因為被小朋友踢凳,不斷喝罵小朋友父母。(影片截圖)

九巴港女被踢凳與內地媽罵戰

這段「港女大鬧九巴」影片近日於本港多個Facebook群組流傳。九巴48X車廂內,有1名港女因為被小朋友踢凳,怒極喝罵小朋友父母,結果觸發與乘客爆粗罵戰。

影片長近2分鐘,相信由被罵的內地媽拍攝。影片一開始內地媽表示:「你哋大家(乘客)都可以做證人,OK?」穿橙衣港女反嗆:「我可以鬧你啊,做咩啫?」內地媽回應「你可以鬧,OK」,港女即指:「你可以踢我張凳咩咁?」

本港網絡瘋傳1段影片,指九巴車廂內有港女因為被小朋友踢凳激怒。(影片截圖)
港女喝罵小朋友父母。(影片截圖)
港女喝罵小朋友父母。(影片截圖)

港女:死埋落車啦,阿燦!

港女之後打電話,疑似報警,內地媽表示「你做人唔好太過分,我話畀你聽,OK,我個仔唔小心踢到(凳)……大家都做證人」,又揶揄港女是「癲婆」。港女聞言咆哮「死埋落車啦,阿燦!」,內地媽反嗆「我係邊度人我唔需要同你講,OK」,港女繼續罵「死開啦你!嚟咩旅行啫,撩交嗌!你坐晒啊架車?」,內地媽則說「大家可以做證人,邊個撩交嗌」。

港女聲音響徹車廂,有男乘客看不過眼,批評港女「影衰香港人」、「阻住人返工」,港女回擊「落車啦!落車啊」。內地媽表示「你睇下我個仔,唔小心踢到佢,鬧咗我成粒鐘喺度,我老公都唔出聲」,港女反駁:「我叫你鬧佢(小朋友)啊嘛,聽唔聽到啊!你個仔嚟嘅咩,無家教!」

有男乘客看不過眼,批評港女「影衰香港人」、「阻住人返工」,港女回擊「落車啦!落車啊」。(影片截圖)
港女再與內地媽吵架。(影片截圖)

港女與男乘客爆粗互罵

其他乘客叫內地媽「唔好理佢」,惟內地媽未收口,「我真係未見過啲咁嘅人㗎,真係……」。這時男乘客再次斥責港女,港女回嗆「死落車啦,X街!X你老X啊」。雙方爆粗互罵直至影片結束。

港女再與男乘客爆粗互罵。(影片截圖)
據報,事件最終要警方到場處理。(影片截圖)

網民:兩個都有問題

網民看過影片議論紛紛,不少人批評港女行為離譜,「無品」、「冇家教的駡人冇家教」、「就算人哋無家教,妳都唔係咁駡人,自己丟臉」。也有網民認為港女憤怒無可厚非,「椅背俾人頂住或者踢真係會好X火」、「踢一兩次或投訴過後無再踼就ok嘅,如果唔聽的話,個父母唔理就真係火嚟㗎」、「小孩踢凳,真係搞到人哦」。

亦有網民認為雙方都有問題,「兩個都有問題」、「我只覺得係大家都無品、無家教,踢到人張凳應該同對方講聲對唔住,而被滋擾的,又不需要這個態度對人,大家退一步海闊天空」。

翻查資料,影片早於2016年流傳,至近日被翻炒再惹熱議。據報,事件最終要警方到場處理。

正在加載