【阿嬌結婚】梁浸浸孖阿嬌撒花瓣勁興奮 網民：似自己結婚多啲
撰文：冼燕珊
出版：更新：
鍾欣潼（阿嬌）日前在美國舉行婚禮，除了有「龍虎蛇」容祖兒、蔡卓妍（阿Sa）同鄭希怡（Yumiko）專程飛去美國做姊妹陪嫁之外，仲有契女梁浸浸做花女。
婚禮完結之後，梁浸浸IG 上載條新片，片中著住白色花女長裙的梁浸浸同契媽阿嬌一齊坐喺舞台樓梯上，兩人一齊好開心咁向天撒花瓣，一向Natural high 的梁浸浸比行完禮的阿嬌更興奮，拋完仲不停手舞足蹈，阿嬌見到都忍唔住笑。網友留言「似浸浸結婚多啲」、「梁浸浸仲high過契媽」，亦有人留言大讚「浸浸好得意」、「越大越似媽咪」。
梁浸浸表現勁興奮，網民笑指似佢自己結婚多啲。(IG圖片)
其實梁浸浸喺參加契媽婚禮之前，媽咪 Yumiko 同爸爸梁學儲已經帶住佢在美國玩咗一輪，婚禮完結之後，都繼續留喺美國繼續玩，過一個盡興的early summer 呢！
其實媽咪 Yumiko一早已經帶住梁浸浸去美國玩咗一排。(IG圖片)