好好生活｜梁樂童自爆2年冇拍過節目　全靠教人畫畫維生

梁樂童（Stephanie）今日（6/6）現身荃灣出席HOYTV全新節目《好好生活》開廠拜神儀式。Stephanie接受《香港01》訪問時表示：「今次我就化身成採購員，遠赴北京上海等地，搜尋一啲有趣新奇嘅資訊俾大家。不過去到內地第一日就出事，我個行李喼爆咗個轆，心諗大獲第一日就爆咗轆，咁我點捱11日，後尾我就上網俾我買到個新喼，問題就咁解決咗。」

梁樂童透過參加HOY TV選秀節目《就是青春》入行。（葉志明攝）

此外，Stephanie透露入行後已有兩年未有做過節目，坦言全靠教人畫畫賺取生活費：「我都係喺媽咪個畫室度教人畫畫，算係可以搵到兩餐，如果好奢侈嘅生活就唔得，咁始終都係做街坊生意。（有否定時限在演藝圈發展？）咁又冇，因為我諗住為藝術犧牲，始終有呢個機會係好多人夢寐以求，自己難得入到行，咁所以我就唔會放棄。」