【非一般旅程】二萬人報名爭去恐怖莊園　玩完身心受創屬於正常？

唔少去外地旅遊時，都會參與當地的local tour， Netflix節目《Dark Tourist》(非一般旅程)主持David Farrier就分別在日本、美國參與了不同的遊行團，其中在荷里活一站，更去到有全世界最恐怖鬼屋美譽嘅McKamey恐怖莊園。
 

【非一般旅程】勇闖福島「最安全的城鎮」 輻射指數比見鬼更可怕

恐怖莊園由電影狂熱粉Russ同女友Carol以50萬美元打造，入場費係零，但每位參加者都要簽下一份長達45頁的生死狀。由於玩晒成個恐怖莊園需時5小時以上，加上每次只能有二人進入，所以至今排隊輪侯人數有近2萬多人…到底呢個恐怖莊園有乜吸引之處呢？主持人David簽下生死狀之後，隨將被封箱膠紙朦眼、口部塞入一個類似牙醫檢查時會用上的擴大器（作用係令人流口水）、束身衣外再加上尿片，負責人Russ之後再為David戴耳機，強迫佢聽一啲令人情緒不安的配樂。不過，原來呢個只係熱身，但David就已經話頂唔順，Russ再三問是否決定要退出，並表示作出呢個決定會遭到耿笑，David話:「我不喜歡這件事，整個情況都很可怕，我不喜歡，我懦弱無用，不敢參加McKamey恐怖莊園，我退出了。」David脫身之後，情緒略為激動，亦表示唔明白點解會有人參加恐怖莊園。

其實恐怖莊園開業至今16年，都未曾有人完成過整個「旅程」，有曾入內的參加者透露會經歷鎖鏈囚禁、被逼食臭雞蛋，與蛇或蜘蛛困在密室等等過程，亦有參加者因身心受創而告上法庭，指除被拷打、虐待之外，更慘遭水刑，令人有快要淹死的感覺。但負責人Russ就以「皮肉傷和心理上的恐懼是不能避免，但不會遭受到生命的威脅。」作為反駁。Russ在接受David訪問時，指恐怖莊園由於費用全免，所以收入多數都係靠捐款，並指在屋鬼作使出的虐待招式，基本上是在軍隊中學習。他更指恐怖莊園最近才搬到Summertown，但就收到有關方面的「終止營業」的命令，原因是該區區民不想有疑似的殺人犯存在。

到底McKamey恐怖莊園仲會有乜玩？咁就要睇睇啦。（圖片略為令人不安，慎入！）