麥明詩今日（9/5）出席在銅鑼灣舉行的著名內衣品牌活動。明詩透露家中內衣有不同款式，數量有十多套，不過還是最梗要是要見得人：「因為自己成日將啲「內衣外着」，咁樣着法可以節省成本，又可以着少件衫，又可以冇咁熱啦，而自己又好鍾意好自由個種感覺，因為覺得我哋好似好怕俾人見到露咗條帶呀，就索性攞出嚟俾大家睇，咁就唔使咁擔心，但同時自己又少啲顧慮。」

（咩情況下買新內衣）明詩笑言：「通常啲內衣變黃又洗得多，啲質料冇咁好，又冇咁堅挺，我就會更換，同埋俾自己及人哋都有啲新意呀，記得細個嘅時候，試過買錯bra，以前唔識得度尺寸，到咗大學嘅時候，又online shopping，𠴱陣時啲Size都唔識，係選咗港姐之後更加認識咗，因為佢哋會有專業人士，教你認識點樣度尺寸，揀選適合自己嘅內衣。」