【包青天再起風雲】「反修例」影響收視 譚俊彥:逆境波都要打

撰文:林迅景
出版:更新:

無綫劇集《包青天再起風雲》首周錄得平均收視為21.9,7月29日至8月4日為23.9。雖然回起2點,但對比以往劇集收視,卻令人失望。有網友就歸究於因劇集主角譚俊彥冇觀眾緣,也有分析指是因為近期「反修例」的影響。

譚俊彥即將參與拍攝新劇《失憶24小時》。(陳順禎攝)

今日(15/8)大會將《包青天再起風雲》劇集宣傳設在將軍澳無綫電視城中舉行。劇集中飾演主角包青天的譚俊彥接受《香港01》訪問時,解釋收視低落的原因:「其實你睇數據,乜嘢都有影響,社會環境當然有影響啦。我自己嘅運數當然亦有影響,上一套劇又係咁啱撞正世界盃,呢套劇又係咁。」

譚俊彥解釋說包青天的黑臉由來,好可能受以前的京劇影響。(陳順禎攝)

他續説:「順境波,逆境波都要打嘅。我覺得打咗咁多次逆境波,點都會有順境波嘅。我會繼續努力!」會否因收視低而唔開心?「講真,心入面梗係會唔開心啦。因為我係一個比較負面嘅人,我會鑽牛角尖,但係當隨著時間慢慢過去,又睇返觀眾嘅反應,甚至乎出街嘅時候有觀眾會同我講我做得好好笑,好鍾意睇。」

對於《包青天再起風雲》低收視,譚俊彥則樂觀面對:「順境波,逆境波都要打嘅。」(陳順禎攝)

他更分享了一次印象深刻的經歷:「我記得有一次去活動嘅時候,有個觀眾叫我同佢媽媽FaceTime,先知原來仲有好多人支持,我都覺得好開心。」