在馬路上踩單車應遵守交通規則！網上流傳1段影片，左線3名單車友與右線巴士並排等轉燈，轉綠燈後，戴燈色頭盔單車友快速舉右手向巴士車長打手勢示意，接着3名單車友一同爬巴士頭，在直行的巴士前方轉右，險象環生，幸巴士車長全程慢駛未有撞上。

影片引來網民批評單車友，「單車X成日講路權，乜路權包括可以左線轉右？」、「行緊左線，直上高速，唔可以轉右，咁點解唔可以落返架單車好好地推過行人紅綠燈過返右邊先繼續踩？」、「懷疑冇考過車牌就出公路踩單車，完全冇公路意識」。

Threads專頁「車cam直擊」發文發片表示，「以為直出，出奇轉右！咪害巴士（車長）」。12秒影片見到，3名單車友停在左線，與停在右線的巴士並排等轉燈，轉綠燈後，戴橙色頭盔單車友快速舉右手向巴士車長打手勢示意，接着燈頭盔單車友帶頭，從巴士車頭駛過轉右。幸巴士車長從起步開始一直慢駛，未有與單車友相撞。

左線單車友直行巴士前爬頭轉右

網民直言，「巴士司機都feel到佢哋伏」、「巴士佬正常起步1秒就畀大油，佢完全唔敢踩油門」、「完全慢速行駛」，並批評單車友，「啲踩單車嘅，毫無知覺，以為條路係佢哋嘅」、「黐X線，就算揸私家車都等架巴士行先啦，你踩單車同巴士一齊轉」、「明知有架巴士咪咁貼啦，又想害人」。

網民斥單車友「害人」　籲應考筆試熟習道路規則

有網民指出，「踩單車又唔使考牌，踩馬路可以完全唔使識交通規則」、「其實我自己都踩下單車，我有車牌，我都同意單車踩馬路最少要考筆試同有保險，否則麻煩踩返單車徑同單車公園，如果唔係對其他道路使用者不公平」。

（Threads@carcamhk01）