讀直資大開眼界 同學住複式單位成身CHANEL 中產女:自己好渺小
直資學校雖學費高昂,但仍受到不少家長熱烈追捧。近日1名女學生就在網上發文,本來以為家境不俗、住私樓的她,稱自從入讀直資中學後才發現大部份同學非富則貴,有同學與她居於同一大樓,惟對方住的是價值7000萬元的複式單位,另有同學則全身名牌,讓她忍不住驚歎:「發覺原來有錢人真係好多…自己真係好渺小」
該名女學生在「schools.secrets」投稿,表示自己生於中上階層家庭,過去就讀傳統小學,每當邀請小學同學到會所,同學都會讚歎不已,因此令她一直以為自己家「特別有錢」,亦對家庭環境非常滿足。
直至樓主升讀直資中學後,「我對我眼前嘅同學住嘅地方、用嘅嘢、食嘅嘢充滿晒驚訝嘅眼神」。她透露自己居於3房私樓單位,有1名同學與她住同一大廈,但對方住的是複式單位,她事後翻查該單位的樓價,驚覺要價7000萬元,大嘆「突然覺得自己好渺小」。她續指,學校間中有便服日,1名女同學竟以一身名牌「CHANEL」現身;即使每天必須的午餐,樓主亦指班中有部份男同學每次均會買飲料搭配,連同午飯約要價40元。
樓主表示,在她就讀中二時,1名同學在家中舉辦生日派對,「佢間屋大到我OMG(我的天)咗,仲要喺九龍城區」。她又憶述曾與同一名同學到迪士尼樂園遊玩,對方豪花1000元狂買福袋和公仔,令她「再次覺得自己好渺小」。
樓主最後指自己並非要「炫耀」其同學多麼富有,「只係我發覺原來有錢人真係好多,自己真係好渺小,可能我未見識過世界sorry!」。帖文一出即吸引大批網民留言,不少人都勸樓主要知足,認為根本毋需與同學比較,「幾有錢都係父母有錢,無人控制到自己嘅出身,你父母又唔係冇畀飽飯妳食,除咗錢妳有冇睇到其他有價值嘅嘢?」、「點解要攀比,佢有錢過妳又點?」、「其實再多錢都係你父母賺返嚟,有咩好比較?」。
另有網民就留言指,「40蚊一個lunch都唔係話好貴啫」、「食飯40蚊有幾貴呀,當年我返中學嘅時候一個晏晝食100蚊,雖然而家冇呢支歌仔唱」、「40蚊都嫌貴,我呢個無錢嘅見到40蚊一餐就已經好開心」。