31歲樂瞳出寫真 寄贈前度們「示威」:睇下我活得幾精彩

撰文:林迅景
出版:更新:
樂瞳instagram平時都有好多「兵糧」(Instagram圖片)

等咗咁耐,樂瞳本寫真終於「出世」。例牌地,今日樂瞳仲喺「宅文化聖地」西九龍中心搞咗個簽書會添,都有幾多fans㗎,個個都買齊寫真排隊等簽名。樂瞳仲足足簽名簽咗2小時,「我差唔多簽咗幾百本書。」雖然是辛苦的,但是見到這麼粉絲支持,她也很開心。樂瞳接受《香港01》訪問時說:「見到有女fans係最開心嘅。因為我一直都以為男仔會比較鍾意。之前有女fans網上留言話會嚟,所以頭先見到我都覺得好安慰。佢好似同我講話買咗40本。」

+31

雖則說只是寫真簽書會,但是入行近10年的樂瞳卻表示有點兒緊張。她說:「尋晚發噩夢,即係好似『產前抑鬱』個種。一來有少少擔心會唔會冇乜人買,因為我都睇過一啲網上留言,有好有唔好,自己就開始亂諗嘢。」訪問中,樂瞳說到場之後已經安心不少,因為早上在髮型屋遇到了黃翠如和梁嘉琪,「今日朝早salon見到翠如同嘉琪,佢哋都話我今日好靚。翠如仲話:『我好想快啲睇你嘅寫真,有冇喺度吖?』之後我話冇喺身。跟住翠如佢話:『我想睇睇吖,你可唔可以擺多啲相出嚟?』之後我就話:『得啦,我送本畀你哋。』」

樂瞳話呢次影寫真係回饋fans咁話。

說起送書的話題,原來樂瞳已經準備了數十本寫真送給朋友,其中還包括了以前的TVB的舊同事,監製等。但是令人驚訝的是,原來她也準備了數本打算寄給前度男朋友們。她說:「哈哈,係吖。『給我愛過的男孩們』,我冇目的㗎,其實有啲都仲有keep in touch嘅,保持緊友好關係。(有啲就唔係幾友好?) 哈哈,係吖,即係收到嘅時候可能會好surprise。可以會係:『咦,呢個咩嚟㗎』咁樣,哈哈哈。目的都係純粹update下大家:『睇下我活得幾精彩』。」原來寫真書除了留下青春之外,還可以順路寄2本給前男友示威一下,又work喎。

《香港01》訪問中,樂瞳表示說,收到寫真集的3個前男朋友名單的都是圈外男朋友,其中一個更加是她的初戀。問到會寄去公司還是各位「幸運兒」的家中時,她說:「梗係寄去屋企啦,寄去公司會唔會誇張咗少少?」

樂瞳話會寄書俾前男朋友們。(林迅景攝)

不過據之前的傳媒報道,樂瞳的男朋友豈只圈外,圈內緋聞男朋友都不少喎,例如《點解阿Sir係阿Sir》中的朱敏瀚,又或者楊潮凱和謝東閔,甚至乎李天翔和楊明都榜上有名傳過緋聞。圈外的話應該就是家住西半山的金融才俊和髮型師的前度……唔知上述幾位有邊個會咁好彩收到「宅男女神」送上嘅寫真集呢?

+15