Winka@COLLAR高燒去電台訪問 被網友鬧爆自私︰唔好出街播毒啦!

撰文:鍾路淂
出版:更新:

女團COLLAR成員Winka陳泳伽,近日成為新聞人物,坦誠認分手後被斥責消費前度成為眾矢之的,Winka沉不住氣與網友隔空對峙。近日又再生事端,Winka到電台宣傳新歌,自爆正發高燒引起眾怒。

Winka抱病到商台接受《早霸王》森美、小儀及梁嘉琪訪問,走入錄音室才聲沙沙自爆正發高燒至38.8度。(早霸王facebook)

4月11日Winka到商台接受《早霸王》森美、小儀及梁嘉琪訪問,頭戴冷帽穿上厚外套的Winka,走入錄音室才聲沙沙自爆正發高燒至38.8度,三位主持人事前不知情相當愕然,小儀及嘉琪立即大叫「口罩!口罩」森美則表示︰「陰功,辛苦你啦,都要你上嚟!你唔介意,我哋戴番口罩就得喇!」

Winka早一晚曾上載體溫計。(IG:@winka_chan)

其實早一晚Winka曾上載體溫計,顯示38.5度正在發燒,又有一張貼上退熱貼的自拍照,一臉病容。事後網友湧入《早霸王》facebook,在Winka合照帖文下瘋狂指責不負責任無公德心:「呢個Winka 真係好自私,發燒竟然四圍去,佢d行為好討厭」、「真係好冇公德心,有病就留喺屋企唔好出街播毒」、「其實疫情期間都做開電話live訪問㗎啦,好心發燒就唔好上去啦」。

Winka一臉病容真係好需要抖下。(IG:@winka_chan)
網友湧入《早霸王》FACEBOOK鬧爆Winka。(早霸王facebook)
+19