新手行山路線|9大1小時內新手行山路線 輕鬆登頂!附路線/交通

撰文:文紀喬
出版:更新:

【新手行山路線】一文睇清9大一小時完成的新手行山路線、交通!天氣轉涼,又是時候行山,記者精選9大新手行山路線,全部一小時完成,而且有靚景可以打卡,包括西貢赤徑、南朗山、嘉頓山等等,而且新手都可以輕易行到!

新手行山路線|9大1小時內新手行山路線 輕鬆登頂!附路線/交通

新手1小時行山路線【1】大澳虎山

位於大澳西面的虎山新手行山路線,只高77米,在大澳市中心不出半小時就可行到山頂,虎山行山路線簡單易行,沿紅色欄杆的步道行走,整段路線都是石屎路加上小量梯級,因此不少人會去大澳掃街、打卡時會順便行虎山,成為是週末郊遊的好去處。

詳情:大澳行山路線|新手半小時可行完 紅欄山徑+海景 附行程/交通

一文睇清大澳虎山新手行山路線、交通詳情!(文紀喬攝)

新手1小時行山路線【2】西貢赤徑

位於西貢東的赤徑行山路線,是多條行山路線的必經之地,赤徑行山路線因為景色優美加上簡單易行,成為不少人的郊遊好去處,就連發哥周潤發都會去赤徑行山!

詳情:赤徑行山路線|西貢新手靚景路線 1小時輕鬆行+海中心打卡!

一文睇清赤徑行山路線、交通、打卡位詳情。(文紀喬攝)

新手1小時行山路線【3】大尾篤

在大尾篤(又稱大美督)燒烤場附近,就有一條大尾篤家樂徑,全程僅1公里,只約20-30分鐘就可以完成,輕鬆到達景色醉人的觀景台,一眼飽覽船灣淡水湖全景、八仙嶺和大尾篤日落。

詳情:大尾篤行山|輕鬆行山路線30分鐘完成!飽覽船灣淡水湖+超靚日落

(相片來源:漁農自然護理署)

新手1小時行山路線【4】南朗山

南朗山的名字因為海洋公園「森度遊」而有更多人知,但其實不想狂行園區旁的樓梯,還有另一靚景路線,45分鐘就可登頂俯瞰海洋公園及270度欣賞香港仔避風塘的日落。

詳情:南朗山新手行山路線 45分鐘登頂賞海洋公園海景日落

南朗山行山路線望香港仔避風塘的位置是有名的日落好去處。(李琬瑩攝)

新手1小時行山路線【5】紅燈山

鬧市都可以行山!位於何文田與土瓜灣之間的紅燈山是隱世行山好去處,在何文田或土瓜灣起步,15分鐘內就可登頂!雖然路徑比較斜,但勝在需時短,而且在山頂可飽覽九龍、獅子山靚景。紅燈山亦有大片草坪可以野餐,可以一邊野餐一邊睇靚景!

(文紀喬攝)

紅燈山一小時行山路線

路線:(土瓜灣出發)樂民新村 --> 長樓梯 --> 靠背壟道遊樂場 --> 馬頭圍配水庫遊樂場 -->何文田上配水庫服務道路 -->紅燈山 -->樂民新村
(何文田出發)華人基督會 -->何文田上配水庫服務道路 -->紅燈山 -->華人基督會
交通:(土瓜灣出發)乘港鐵至土瓜灣港鐵站B出口;(何文田出發)何文田站A2出口
全長:2.5公里
時間:1小時

新手1小時行山路線【6】格仔山

格仔山最出名的就是山上的紅白格仔圖案,以前格仔用作指引飛機降落啟德機場,後來因啟德機場關閉一度油上灰色,近日有人發現格仔山重新油上紅白格仔圖案。格仔山輕鬆易行,只需半小時便可以到達山頂,在山頂可遠眺九龍仔。

(IG @ insta.wong)

格仔山一小時行山路線

路線:樂富 --> 樂富公園 --> 格仔山 --> 樂富配水庫休憩花園 --> 樂富
(何文田出發)華人基督會 -->何文田上配水庫服務道路 -->紅燈山 -->華人基督會
交通:乘搭7、75X、85、85A、85B巴士到樂富富強苑巴士站下車
全長:3公里
時間:1小時

新手1小時行山路線【7】嘉頓山

位於深水埗的嘉頓山是最熱門的山徑,在美荷樓行15分鐘就可以登頂,嘉頓山山頂上的日落和夜景,打卡超靚!

(文紀喬攝)

嘉頓山一小時行山路線

路線:深水埗港鐵站 --> 美荷樓 --> 嘉頓山
交通:由深水埗港鐵站D2出口,沿欽洲街行
時間:1小時

新手1小時行山路線【8】長索島

欣澳不只是得香港迪士尼樂園和迪欣湖,更有隱世秘景,那就是連接鹿頸村及長索島的連島沙洲,因十足日本小豆島,因此被稱為「港版天使之路」。要到長索島的路線簡單容易又短途,十分適合來一次半日遊。

詳情:7大連島沙洲好去處 港版愛琴海睇日落 欣澳天堂之路打卡必去!

(自由旅生授權)

新手1小時行山路線【9】訊號山

鬧市都有得行山!位於尖沙咀的訊號山花園既方便又多歐式打卡位,有種像去了郊外一樣,最重要的是行10分鐘左右就去到,適合各位又懶又想打卡的大家!

詳情:尖沙咀好去處|鬧市後花園10分鐘去到!英倫風紅磚高塔/旋轉樓梯

IG @kkc8888