新冠肺炎∣有學生確診家長憂校園潛在傳播風險 醫生教路防疫細節

撰文:
最後更新日期:

今日中華基督教會扶輪中學及演藝學院證實有學生確診,而多間中小學教職員家屬、學生家長曾與患者接觸,包括光明英來學校、優才書院(小學部)、油蔴地天主教小學(海泓道)、培基小學、上水鳳溪創新小學、沙田崇真學校,荃灣天佑小學及拔萃男書院附屬小學,而校方宣布需要停課為學校進行全面消毒,不少家長也擔心子女有感染風險,孩子數小時留在校園,身處於不同的公共空間,也要注意不同的防疫細節,家長不妨與孩子及早預備!

小學及幼稚園高班將分階段復課。(資料圖片)

不宜集會、上體育課

全科醫生鍾偉傑指,為減風險,應避免讓太多孩子聚集。「如果平時學校習慣要學生喺操場集合,先返課室,復課後可以叫啲學生直接返課室,避免全校學生聚集在一起。但如果都要集隊嘅話,睇下可唔可以每個學生前後左右最少相隔一米距離。」

此外,鍾醫生亦不建議今個學年上體育課。「戴住口罩做運動時會好焗,同埋始終都會有身體接觸,建議將體育課轉為自修堂。」而在課室上課前,他建議可先用消毒濕紙巾抹一抹桌椅。「抹完枱,都可以順手抹埋凳,坐後面個同學仔都會接觸到凳背。」

注意小息細節

鍾醫生指,同學小息進食前,記緊先洗手,才除口罩。「年紀較小的小朋友,如一年級至三年級,佢哋唔係咁識除低口罩後要點處理。如果口罩量充足,洗完手就將口罩掉咗佢。而家坊間都有好多口罩儲存夾,如果是高年級,可以除口罩之後放入去。唔係嘅亦可以用兩張紙巾,一上一下鋪喺口罩兩面,將口罩接觸面部嗰面向內摺,擺喺褲袋或枱面。食完嘢,洗完手再戴一個新口罩,戴完之後再洗手,前後要洗三次。」

按圖即睇校園防疫細節:

+8
+8
+8

洗手要足20秒

他補充,如學生到訪校內圖書館,返回課室前亦宜先洗手。「始終啲圖書太多人接觸,如果借咗書,亦最好用啲消毒濕紙巾將本書抹一抹。」他又提醒大家洗手時,不需要刻意用酒精產品,「唔使特別用酒精去洗,如果每日洗咁多次手,會容易引起手部皮膚敏感。用一些比較溫和嘅梘液,甚至清水都唔係咁大問題,但就一定要洗足20秒,同埋洗乾淨哂手指罅、手指甲,就會安全好多。」

按圖即睇放學入屋防疫步驟:

+3
+3
+3

按圖即睇口罩預算量:(由於每間學校暑假不一,上學日數略有不同)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。