日本急凍蛋糕大熱 家長應該點揀好?營養師:唔好畀小朋友咁食⋯

撰文:
最後更新日期:

近來日本超市有售的急凍甜點,例如卷蛋、千層蛋糕、苞芙等深受孩子喜愛。記者收集了各式甜點的營養資料,有營養師表示,這些甜點隱藏高糖及高脂危機,部分甚至含有酒精,絕非健康食物,提醒家長不能以糕點作孩子的正餐,選購時亦要多注意營養標籤。

攝影:余嘉文

按圖即睇選購貼士:

+6
+6
+6

流心、有餡更邪惡

記者在日本超市收集了26款日式急凍蛋糕,包括卷蛋、千層蛋糕、苞芙、朱古力撻、巴斯克芝士蛋糕等的營養資料。香港營養師學會(HKNS)認可營養師李杏榆表示,樣本中的主要成分包括小麥(麵粉)、雞蛋、糖、油(菜油、植物油或牛油),以及澎漲劑、乳化劑、色素、防腐劑等食物添加劑。

她表示,樣本中的熱量全超過200卡路里(每100克),高熱量之餘,「一係高糖,一係高脂,一係兩樣都高」,部分樣本的添加劑更是「水蛇春咁長」。李杏榆更指,部分款式添加了酒精成分。「(包裝上)用嘅字眼會係『wine』、『liquor』,雖然可能喺煮嘅過程酒精會揮發咗,但小朋友係唔適合食任何添加咗酒精成分嘅食物。」她補充,若該甜點有朱古力餡、芝士餡、添加了新鮮忌廉,或有流心效果,熱量會更高,可達300至400卡路里(每100克)。

+5
+5
+5

或影響正餐胃口 每次最多吃半件

李杏榆指,急凍甜點絕非有營養、健康的食物。「雖然佢哋講到用咗雞蛋、『fresh cheese』、『fresh milk』,但背後加咗好多糖分、脂肪」,提醒家長只可當作孩子的開心食物或派對小食,不能當成是正餐。「唔好帶個千層蛋糕返學,就當係小息零食。」

「如果依賴佢當係一個正餐,就會攝取唔到正餐有嘅蛋白質、碳水化合物、纖維。小朋友食到好飽好滯,亦影響食正餐嘅胃口。正餐攝取量不足,會影響小朋友整個發展與成長。」

+45
+45
+45

比較熱量 注意可可、酒精成分

李杏榆建議,家長選購時,可先比較熱量(卡路里值)。以每100克計算,200多卡路里是可接受範圍,每次最多讓孩子吃半件(即約100多卡路里)。「300以上卡路里嘅話,就唔係好可取。」

假設兩款甜點的熱量同是200多卡路里,家長可再比較原材料及營養成分。她建議可留意是否含有飽和脂肪或反式脂肪。如是以酥皮製作的甜點,經烘焙後容易產生反式脂肪。其次是留意是否含酒精成分及可可成分。「3歲以下小朋友都唔建議俾佢食含朱古力或可可成分嘅食物,因為咖啡因會令小朋友有活躍情況,或影響晚上睡眠質素。」

另一方面,家長亦要留意糕點的添加劑含量及儲存期限。「睇下會唔會加咗好多你唔識睇嘅添加劑,愈少添加成分就愈好。同埋可以睇銷售期。一般糕點可以儲存一至兩星期,但如果係半年或以上,仲要擺室溫,可想而知係有好多防腐成分。」

香港營養師學會(HKNS)認可營養師李杏榆(受訪者提供)

相關文章:消委會測試燒味 紅腸叉燒鈉超標 營養師:小朋友最多食呢個份量

按圖即睇燒味營養測試結果:

+2
+2
+2

按圖即睇消委會建議:

按圖即睇營養師建議:



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。