被指搞大女fans個肚　黃子恆現身回應：同對方年半冇見面！

現年36歲的TVB小生黃子恆兩年前曾因介入歌手裕美婚姻而令其形象受損，難得最近憑劇集《是咁的，法官閣下》中演律師賴澤明，令他再次人氣急升。日前，他竟被爆出搭上內地一名女粉絲，二人兩度發生性行為後，女方之後更懷孕，腹中BB現已4個月大，黃子恆卻一直玩失蹤，女方無奈下向傳媒爆料，揭發黃子恆的渣男行徑，報道更指黃子恆承認與對方發生關係，更自稱有做足安全措施。

黃子恆今日（5日）到荃灣為新劇《機場特警》開工，被大批傳媒追問此事，他稱：「其實我想講嘅嘢好簡單，呢年半我冇再同佢見面，所以如果佢講嘅嗰件事有發生，我一會負責任，但呢年半已經冇再見過面。（其實成件事嘅來龍去脈係點？）我要回應嘅回應咗，麻煩你哋。（會唔會因為呢年事搵返佢？） 我要回應嘅回應咗。」被記者再追問為何事隔年半之後才有這個舉動，黃子恆只抿一抿嘴，表示無奈。

被問如何面對這件事，黃子恆沉默數秒後稱：「被我冷靜吓先！記者再提到佢之前話驗DNA一事，他稱：「如果有需要，我會配合。」他又稱公司正在了解這件事。