女神配對計劃｜莊思明爆李芷晴一直多人追 葉蒨文真實性格係咁？
撰文：林迅景
出版：更新：
21
1
0
2
1
TVB戀綜節目《女神配對計劃》掀起討論話題，不少觀眾都被曾展望GM和葉蒨文的故事感動，更大讚他們有CP感。同為《愛・回家之開心速遞》一份子的莊思明今日（13/6）出席電影《交換禮物》的慈善放映。
被問到在拍攝劇集時，有否留意到曾展望和葉蒨文的感情萌芽時，她就表示與曾展望對戲的機會較少。「葉蒨文會多少少，曾展望就少啲接觸，都係見到面會傾吓偈。我又唔係察覺到有啲咩。因為葉蒨文係好鍾意傾偈，無論男男女女都傾，even對住我都好多嘢偈。佢係一個西方啲，鬼妹仔啲思維，鍾意make friends嗰種。」
談到節目另一個話題「女神」李芷晴，她就直言：「咁靚女，不嬲都多人追㗎啦。我都係因為拍呢個節目先知芷晴咁多人追，我覺得好驚訝，但係冇諗過佢接住咁多年嚟都係咁多人追。咁都應該嘅，因為佢性格真係好可愛，同佢識咗好多年，嗰時未拍劇，選完港姐我哋一齊做個節目，嗰時已經覺得佢性格好得意，好純。」
