吳遠思大爆與北京電影局長會面 對方要求代向香港電影人傳話

撰文:吳子生
出版:更新:
近年,香港電影業界普遍認為正處於冰河期。雖然曾經出現「小陽春」現象,有個別港產片創下高票房紀錄,但整體行業實際上面臨多重困難,製作、創作及從業員生計均受到嚴重衝擊。

資深電影人吳思遠,今晚(18/7)現身西九文化區戲曲中心出席粵劇《新龍門客棧》西九首演。吳思遠多年來一直觀察及分析香港電影業動態,他接受《香港01》訪問時表示:「我好希望香港嘅導演拍嘅電影題材要多元化,同埋我覺得香港政府比我哋啲新導演、新編劇多啲,鼓勵多啲資助,等佢哋放膽去寫,唔好因為話有啲唔提得,令到佢哋唔敢去做,希望可以解放少少。因為我哋幾廿年前已經乜嘢都拍,希望政府大力支持。」
吳思遠續說:「我最近去咗北京,同電影局長見面,佢叫我傳話俾香港電影人知,無論你喺香港或者內地拍,都可以作為香港電影,咁我希望大家拍多啲戲。(局長有冇話有咩限制?)我都有提,我哋大家電影人都好清晰紅線喺邊度。就算你唔係好清晰知道紅線喺邊,都可以問吓電影局,又或者香港電影會,相信對大家都有幫助。」