《東張西望》的「新一代靚女主持」鄧凱文（Eris），一向以清新自然的主持形象深得觀眾喜愛。早前Eris在社交平台上分享生活點滴，以一身性感泳裝出鏡，在陽光、海灘與藍天襯托下，完美展現健康膚色，畫面相當唯美吸睛！

帖文一出，立即吸引一眾網民熱烈留言，有人大讚「靚到爆」、「原來東張都有fit爆代表」，可是熱度未夠幾日，該張「沙灘照」竟神秘消失，連配文都一併下架，引起公眾好奇：「係咪被公司照肺？」亦有人替她鳴不平，認為「咁fit唔晒吓都浪費」、「呢個年代都仲要避性感，太保守啦！」

對於有傳被公司「照肺」性感照被迫下架，鄧凱文接受《香港01》訪問時表示︰「老實講，公司比我嘅自由其實好大，冇所謂咩『下架指令』，真係我自己想收返啲相。嗰日喺沙灘拍得好趕，我自己睇返覺得唔夠靚，唔夠自然，所以決定刪咗。對我嚟講，相片除咗性感之外，仲想俾大家見到我最真、最靚一面。將來如果有啲自己滿意嘅作品，我一定會第一時間同大家分享，唔想大家誤會我被『照肺』啦！」