天色專訪|王菀之為與謝君豪親密戲減肥 瘦咗成個碼:由XXL變XL
王菀之(Ivana)近年除了歌手及演員身份外,亦積極發展舞台劇範疇,近日她就在《Skylight 天色》身兼監製、翻譯及主演三職,並找來謝君豪及梁仲恆合作。《Skylight 天色》改編自David Hare的《Skylight》,劇本與數年前黃子華與陳法拉主演的《前度》一樣,外間或會有所比較,不過負責翻譯劇本的Ivana就不擔心,因她超認真翻譯,兩套舞台劇對白完全不同,她已準備邀請子華到場觀看,更歡迎睇過《前度》的觀眾對比一下:「你哋到時睇下認唔認得!」
場地:MAJOR POP
謝君豪靠台劇生涯最難劇本:我要300%熟先可以上台
Ivana雖然早已是金像獎「最佳新演員」及「最佳女配角」,演技備受肯定,不過在今次籌備《天色》的過程中,她還是覺作得演員比監製和翻譯辛苦,她說:「因為要花好多時間去準備,有海量嘅台詞要準備,頭先先同豪哥傾完,對我自己嚟講,呢個係我做過以嚟難道最高、挑戰性最大嘅劇本。」而本身是金馬影帝、月前再獲頒舞台劇帝及香港演藝學院頒授榮譽院士的謝君豪,竟然都同意這是他舞台劇生涯極高難度的一次,「我都做咗若干套舞台劇,今次應該係最多對白嘅一次,所以不斷咁背,頭先都背緊,化緊妝嗰時都對緊對白,要不斷咁背先至得。而家都差唔多背到有八成熟嘅,但係我目標唔係,我目標應該係300%熟先可以上台,如果唔係搞唔掂。」
梁仲恆激讚大師兄謝君豪:有佢嘅地方就有趣
《天色》月底就會公映,目前正排練得如火如荼,在劇中飾演數學老師、與餐廳老闆謝君豪舊情復熾的Ivana,直言排練到整個人都處於繃緊及失眠狀態,其角色聰明又轉數快,加上感情膨湃,令一向慢條斯理的她,生活節奏都受到影響。講到要飾演數學老師,問Ivana數口如何,梁仲恆竟在一旁偷笑,Ivana則笑說:「好彩唔使我計好多數。」至於飾演謝君豪兒子的梁仲恆,他說自己戲分不多,主要靠兩位前輩孭重飛,自己很多時都從旁跟兩位學習,Ivava聽到後立即扮嬲說:「你講咩呀?三個人㗎!」梁仲恆是謝君豪演藝學院戲劇學院的師弟,兩人已非首次合作,不過他就認為,對方與自己想像中頗大出入,「佢真係大師兄嚟,但係完全冇架子,同埋佢係好好、非常搞笑嘅人。有豪哥喺度嘅地方就有趣,佢本身就係一個趣,每次出現都好有趣!」
王菀之為感情戲減肥 謝君豪:成個人削晒
有記者問到,謝君豪將與Ivana發展忘年戀(兩人現實中相差16歲),君豪哥笑問:「係咩?」Ivana說:「又未去到忘年嘅……」君豪哥再表示:「係黃昏戀!」十分搞笑。講起會否有親密鏡頭,Ivana大賣關子,但就劇透:「我需要減少少肥,唔可以用咁多衫遮住。」問到減了幾多碗,她一臉尷尬地謂:「咁尷尬嘅?講磅數就冇意思啦,一個碼囉,由加加大碼變加大碼!」君豪哥即不停讚她:「有辦你睇啦,瘦咗好多呀,成個人削晒……我叫佢食多啲嘢,佢好鍾意食嘢,食極都唔肥嗰度好嘢。」梁仲恆都加把嘴:「睇住佢一日瘦過一日,佢弱不禁風呀。」逗得Ivana好開心,相信今次三位的確合作得非常愉快。
請按下圖睇更多謝君豪、王菀之、梁仲恆專訪花絮: