行政長官李家超昨日（17日）發表新一份施政報告，未有提出派發消費券等直接刺激市道措施。對於有市民感覺市道較差，李家超今日（18日）表示香港正值「洗牌」過程，部分行業較辛苦，政府推出支援中小企措施希望能雪中送炭，又形容「吉鋪」數目上升已成本港常態，大家應調整心態面對。

他又稱香港現時情況其實有很多「正面」，外國人比起香港人眼中的香港更強，「所以話我哋當然係有弱點嘅，但我哋仲有好多好嘅地方，唔好令到自己太過悲天憫人」。

呢個（吉舖）係一個常態，所以我要講清楚呢個係常態，就等於我地新冠肺炎時，我哋嘅常態。

經濟正洗牌　望多「雪中送炭」

有80歲聽眾石先生致電節目，表示許多年青、老年人失業，「執笠比比皆是」。有主持亦稱普遍香港街坊對經濟信心不足，亦覺得市道較一般，問李家超如何挽回市民信心。

李家超形容香港經濟正值「洗牌」，「𠵱家希望做多啲雪中送炭」，又指在「洗牌」過程中，某些行業仍需要聘用人手，有些則倒閉令員工需要時間轉工。他認為重點在於改變產業結構，形容「就算第日大風浪啲，我架船就係大郵輪，唔係小艇」。他又舉例以往傳呼機被手機取代，部份市民在過程中會遇到困難。

以前我哋買傳呼機、BB機，到我哋買手機，呢個行業係冇，呢班人係會失業，但呢個經濟轉型期係避唔到㗎喎。我點樣挽回啲BB機呢，你第日都係冇市場。但喺過程你係辛苦，我哋幫得幾多得幾多。

▼9月17日　特首李家超第四份施政報告重點▼

外國人對香港感覺強於港人　縱有弱點勿悲天憫人

他以餐飲業為例，指快餐、非中式食肆收入上升，惟中式餐館收入跌4%。施政報告則針對性提出簡化食肆發牌制度，加快審批露天茶座，容許寵物犬進入餐廳等，帶動生意。他又指香港今年經濟增長預計有2至3%，競爭力、人才吸引力等數據顯示香港正在進步。

社會梗係有一個感覺，但呢個感覺我哋亦要一齊話畀大家聽，其實我哋有好多正面嘅。客觀嚟講，外國人嚟到香港，佢嘅感覺係強過我哋香港人

他憶述學生時期白恤衫上有一黑點，老師說「李家超，你今日件白色衫有一點」，弄哭了他。之後老師說「你唔應該咁諗，你成件衫都白嘅，不過呢下次就防範呢一點就得喇」。李家超以此為例，認為香港現時部份行業「有啲辛苦」，但仍有很多好的地方。

所以話我哋當然係有弱點嘅，但我哋仲有好多好嘅地方，唔好令到自己太過悲天憫人。

吉舖空置率高企　李家超稱是常態

至於吉舖空置率高企，李家超，表示吉舖數量上升，與經濟轉型及電商市場有關。他指出，很多人都在網上購物，實體店生意下降。「呢個（吉舖）係一個常態，所以我要講清楚呢個係常態，就等於我地新冠肺炎時，我哋嘅常態。」他認為，知道該常態後，應用另外一種心態去處理，相信在洗牌過程中市場終會穩定。